💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 40
" လမ်းဘေးကလူနဲ့လက်ထပ်မယ်ဆိုရင်တောင် သဘောတူပေးမယ် "
1.
ကျွန်တော် မေမေ့ထံသို့ရောက်သည်နှင့် ခပ်ရေးရေးပြုံးကာ
" မေမေလာမဲ့အကြောင်း ကျွန်တော့်ကိုပြောတောင်မပြောဘူး ... လာကြိုမှာပေါ့ "
ဟု ပြောလိုက်သည် ။ ပြောရင်းနှင့် နိုအာ့လက်မောင်းကို ပေါ်တင်ပင်တွဲလိုက်ကာ
" မေမေရောက်လာတာနဲ့ အတော်ပဲ ... မေမေ့ကိုပြောစရာရှိတယ် ... ကျွန်တော့်အခန်းဆီတက်ကြရအောင် "
ဟု ပြောလိုက်သည် ။ ပြီးမှ မေမေ့လက်ထဲတွင်ကိုင်ထားသည့်ပိုက်ဆံအိတ်ကိုယူလိုက်ကာ
" ဒီဘက် မေမေ "
ဟု ပြောပြီး ဓာတ်လှေကားခေါ်သည့်ခလုတ်ကို နှိပ်လိုက်သည် ။ မေမေကမူ မည်သည့်စကားမှမဆိုပဲ ကျွန်တော်ခေါ်ဆောင်ရာအနောက်သို့ လိုက်လာသည် ။
2.
အခန်းထဲရောက်သည်အထိ ကျွန်တော်တို့သုံးယောက်စလုံး မည်သည့်စကားမှ မဆိုမိကြ ။ နိုအာက
" ကိုကြီးမေမေနဲ့စကားပြောနှင့်အုံး ... ကျွန်တော် သောက်စရာတစ်ခုခုသွားလုပ်လိုက်အုံးမယ် "
ဟု ပြောကာ အလိုက်တသိနှင့် ရှောင်ထွက်ပေးသွားသောအခါမှ မေမေက
" အဲ့ဒီကလေးလား "
ဟူ၍ စကားစသည် ။ မေမေပြောသည်ကို ကျွန်တော် ကောင်းကောင်းနားမလည်သောကြောင့်
" ဗျာ "
ဟု ရေရွတ်လိုက်မိသည် ။ ထိုအခါမှ မေမေက
" လက်ထပ်မယ်ဆိုတဲ့ချစ်သူက အဲ့ဒီကလေးလား "
ဟု ထပ်မေးသည် ။ ထို့ကြောင့် ကျွန်တော် ခေါင်းညိတ်လိုက်ပြီး
" မေမေကသိနေတာလား "
ဟု မေးလိုက်သည် ။ ကျွန်တော့်မေးခွန်းကို မေမေက
" အင်း ... ပင်းပင်းပြောတာ "
ဟု ပြန်ဖြေသဖြင့် ပြုံးလိုက်ပြီး
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon