💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 5
" ဒီနေ့တစ်ရက်တော့ ငါ့ကိုလွတ်လွတ်လပ်လပ်ပေးနေစမ်းပါ "
1.
စီနီယာဒေါက်တာမမ၏ အကူအညီဖြင့် ကျွန်တော့်နှုတ်ဆက်ပွဲကို အောင်အောင်မြင်မြင်နှင့် ကျင်းပနိုင်ခဲ့သည် ။ စာ၍သောက်၍ ပြီးသောအခါ စီနီယာဒေါက်တာမမက ကျွန်တော့်ကိုရယ်ပြပြီး
" ခန့်ကလေး ... နောက်တစ်နေရာထပ်သွားရအောင် "
ဟု ပြောသည် ။ ထို့ကြောင့် ကျွန်တော် ခေါင်းကုတ်လိုက်ပြီး
" အစ်မတို့က ဘယ်သွားချင်လို့လဲ "
ဟု မေးလိုက်သည် ။ ကျွန်တော့်စကားအဆုံးတွင် စီနီယာဒေါက်တာမမက
" KTV "
ဟု ပြန်ဖြေသည် ။ စီနီယာမမ၏စကားကြောင့် ကျွန်တော် နာရီကိုကြည့်လိုက်သည် ။ ကိုးနာရီသာရှိသေးသောကြောင့် ခေါင်းညိတ်လိုက်ပြီး
" သွားလေ "
ဟု ပြောလိုက်သည် ။ ကျွန်တော့်ထံမှ ခွင့်ပြုချက်ရသည်နှင့် စီနီယာဒေါက်တာမမက လက်နှစ်ဖက်ထောင်ကာ အခြားလူများအား
" ဟေး .... KTV သွားကြမယ်ဟေ့ "
ဟု ဝမ်းသာအားရလှမ်းအော်သည် ။ စီနီယာမမ၏ စကားအဆုံးတွင် ကျွန်တော်လည်း ထိုင်နေရာမှထကာ အခြားနေရာသို့ရွှေ့ရန် ပြင်ရတော့သည် ။
2.
စားသောက်ဆိုင်တွင်သောက်ခဲ့သည်နှင့်ပင် အတော်များနေပြီဖြစ်သော်လည်း KTV သို့ရောက်သောအခါ လုပ်ဖော်ကိုင်ဖက်များက ထပ်တိုက်သဖြင့် ထပ်သောက်ရပြန်သည် ။ အားနာနာနှင့်သောက်နေရသဖြင့် နှစ်ပင်လိမ်ကာ အတော်မူးနေပြီဖြစ်သည် ။ ထို့ကြောင့် သီချင်းဆိုနေကြသူများကို ခတ္တထားကာ အိမ်သာသွားရန် ထိုင်နေရာမှ ထလာခဲ့လိုက်သည် ။ အပြင်ထွက်ရန် တံခါးဟရုံသာရှိသေးသည် ။ အပြင်တွင်ရပ်နေသောလူကြောင့် အမူးပင်ပြေသွားရကာ
" ပင်းပင်း "
ဟု ခေါ်လိုက်ငည် ။ ပင်းပင်းက ကျွန်တော့်ကိုကြည့်၍
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon