💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 9
" ငါ့လိုလူချောလေးက မိန်းမလည်းယူရအုံးမှာ .... သေလို့မဖြစ်သေးဘူး "
1.
" နိုအာ "
" ခဏထ ... ထပြီးဒါလေးသောက်လိုက် "
ဟူသော ဂျက်ဆင်၏အသံကြောင့် ကျွန်တော် မျက်လုံးများကိုဖွင့်လိုက်ပြီး ထရန်ပြင်လိုက်သည် ။ ထိုစဉ် ဗိုက်ကထိုးအောင့်လာသဖြင့်
" အာ့ "
ဟု ညည်းကာ အောင့်နေသောနေရာကို လက်ဖြင့်ဖိလိုက်သည် ။ ဂျက်ဆင်က ကျွန်တော့်ကိုကြည့်၍
" ရရဲ့လား ... အထွေထွေဝါ့ဒ်မှါဘယ်သူရှိလဲမသိဘူး ... သွားကြည့်ပြီးခေါ်လာခဲ့မယ် ... ခဏစောင့် "
ဟု ပြောကာ နေရာမှခပ်သုတ်သုတ်ထွက်သွားသည် ။ ထို့ကြောင့် ကျွန်တော်လည်း အိပ်ရာပေါ်တွင် ပြန်လှဲကာ ဂျက်ဆင်ပြန်အလာကို စောင့်နေလိုက်သည် ။
2.
ဂျက်ဆင်ခေါ်လာသူမှာ ကျွန်တော်နှင့်ခင်နေသည့် ကတ်သရင်းဖြစ်နေသောကြောင့် အနည်းငယ်စိတ်ပေါ့သွားသည် ။ ကတ်သရင်းက လိုအပ်သည်များကိုစစ်ဆေးပေး၍
" Blood pressure ရော ... Sugar ရော ... ပုံမှန်ပါပဲ ... အဖျားတော့နည်းနည်းရှိတယ် "
ဟု ပြောသည် ။ ပြီးမှ
" ဗိုက်အောင့်တာဘယ်နေရာလဲ "
ဟု မေးသည် ။ ကတ်သရင်း၏မေးခွန်းကို ကျွန်တော်
" အစာအိမ်ကအောင့်နေတာ "
ဟု ပြန်ဖြေရင်း
" ရောင်တာလား ... အနာဖြစ်တာလားမသိဘူး "
ဟူ၍ ပြောလိုက်သည် ။ ကျွန်တော်ပြောသည်ကိုနားထောင်ပြီးနောက် ကတ်သရင်းက
" သိနေတာပဲကို ... စစ်ဆေးကြည့်မှပေါ့ "
ဟု ဆူသည် ။ ထို့နောက်
" အခုသွားမယ် ... ထ "
ဟု ပြောကာ လှဲနေသောကျွန်တော့်ကို ဆွဲထူသည် ။
3.
" အနာမဖြစ်လို့တော်သေးတယ် "
ဟု ပြောကာ စားပွဲတွင်ဝင်ထိုင်သော ကတ်သရင်းကို ကျွန်တော် ခပ်နွမ်းနွမ်းပြုံးပြလိုက်သည် ။ ကတ်သရင်းက ကျွန်တော့်ကိုကြည့်၍
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon