Volviendo Al Pueblo Hundido

Ika-34

"ANONG GINAGAWA mo dito?" Gulat na gulat na saad ko kay Carlo. Nag sign naman sya ng tumahimik. Napalabi naman ako sabay tango. "Ikaw dapat ang aking tatanungin nyan Señorita, Asuncion." Natatawang saad ni Carlo.

Napakamot naman ako sa ulo sabay tingin sa paligid. Ngayon alam ko na kung nasaan kami. Nandito kami sa basement ng simbahan at nag lilinis si Carlo.

Kamot ulo akong umopo sa upuan sa gilid. "Nag hahanap kasi ako ng banyo." Pag aamin ko kay Carlo. Nakangiti naman syang tumingin sa akin. "Kung ikaw ay nag hahanap lamang ng banyo, bakit may narinig akong pag basag?" Natatawang saad ni Carlo.

Nakagat naman ako sa ibaba kung labi. Bumontong hininga ako ng napaka lalim. "At may narinig akong dalawang taong nag uusap na ngayon ay hinahanap ako." Mahinang saad ko. Nakuyom ko pa ang aking kamao.

Narinig ko ang pag buntong hininga ni Carlo. Lumapit ito sa akin at tiningnan ang kamao kung naka kuyom. Nagulat ako nung bigla nyang hawakan ang kamay ko at tanggalin sa pag kakakuyom.

"Masama ang mag higanti Señorita." Nakangiting saad nito sa akin. Tinaasan ko sya ng kilay. "At bakit naman?" Mataray na saad ko kay Carlo sabay bawi ng aking kamay.

Ngumiti ng matamis si Carlo. "Pagkat wala naman itong patutunguhan kung wala kanamang kakampi." Mapait na saad ni Carlo. Napataas ang aking kilay.

"A-Anong sinasabi mo?" Takang saad ko kay Carlo. Ngumiti ito sa akin ng mapait. "Sabihin nalang natin Señorita na isa ako sa mga taong nag higanti na wala namang napala pagkat wala akong laban rito, kung kaya't ikaw ay aking papayuhan Señorita, huwag kang lalaban kung wala kanamang malakas na armas." Makahulugan na saad ni Carlo. Ngumiti ito sa dulo namay halong pait.

Tinitigan ko syang maigi. Hindi ko mabasa kung anong expresyon nya ngayon pagkat halo halo ang nakikita ko sa kanyang mukha. Sa aking palagay ay isa ding inabuso ang kanyang pamilya.

Sino naman kaya ang nang abuso sakanyang pamilya? Nakakasiguro ako na isa din sa matataas na antas sa lipunan ang nang abuso sakanyang pamilya.

At nakaka siguro ako na hindi lang nag kakalayo ang taong nag abuso sa parehas naming pamilya.

At may point din sya sa sinabi nya. Hindi pwedeng lumaban kung wala akong armas. Kailangan kung lumaban namay pag kakapitan. Ngunit saan ako lalapit?

Hindi ko alam kung sino ang kaaway ng aming pamilya. Hindi ko alam kung sino pa ang mga kasama nila Don Macario at Don Agustin. Kaya saan ako lalapit?

Saan ako pwedeng lumapit na hindi ako iiwan o isusuplong sa publiko? Saan ako pwedeng kumapit para maging malakas ang magiging tibay ng armas ko?

Bigla akong napahinto nang may dumaan na pangalan sa aking utak. Nakagat ko ang ibaba kung labi nang maalala ang sinabi nya sa akin.

"Lalapit kadin sa akin Iha para pakiusapan ako, lalapit kadin at ikaw mismo ang hihingi ng tulong ko."

Paano ako lalapit kung may kapalit ang gagawin kung pag hingi ng tulong rito? Nakakasiguro ako na kaya nya akong tulungan. Nakakasiguro din ako na hindi sya sangkot sa pag kawala at pag kasira ng aming pamilya.

Ngunit paano ako makakahinga ng tulong kung alam ko ang kapalit nun? Makakaya ko bang ipag palit ang kasiyahan ko para sa pamilya ko? Parehas silang buhay ko ngunit mas kailangan ako nang pamilya ko ngayon.

Mas kailangan ako ng pamilya ko kisa nya. Mas kailangan ako ni Ama ngayon kaya sana huwag syang mag dadamdam kung hindi ko sya pipiliin ngayon. Kaya sana hindi sya magalit sa akin kung ang pipiliin ko muna ang pamilya ko kisa sakanya.