Unicode
ပြောင်ချော်ချော်အလုံးသည် မြိုချထားသည်များအား ပြန်အန်ထုတ်နေရင်းရေအိုင်ငယ်သည် အရှိန်နှင့်ပန်းထွက်လာသောရေများပြည့်လျက် ရွှမ်းမင်ခြေထောက်အနားကို ချဥ်းကပ်လာသည်။ အလုံးငယ်ကို စိုက်ကြည့်နေရင်း မျက်နှာထက် ဘာအမူအရာမှမရှိပေမဲ့ အသံကတော့ အားစိုက်၍ထွက်လာသည်။
"အကုန်လုံးကိုပြန်အန်ထုတ်တော့မလို့လား?"
ရွှဲရှန်သည် မသိကျေးကျွန်ပြုပြီး ဆက်လက်တပွက်ပွက်မြည်လျက် ဘုန်းတော်ကြီးအပေါ်ထားသောအမုန်းတရားများကို ခင်းကျင်းပြသနေ၏။
"ပြီးရင်အဲ့ရေထဲမှာပဲပြန်နစ်ဖို့အစီအစဥ်ရှိနေတာလား?"
ရွှဲရှန်သည် ပြန်လည်ဖြေကြားခြင်းမရှိပေမယ့် ရေများဆက်လက်ပန်းထွက်မလာတော့။
"ကလိမ်ကကျစ်ကောင်..တစ်ယောက်ယောက်ကိုဘယ်လိုရွံသွားအောင်လုပ်ရမလဲတကယ်သိတယ်"
"မြှောက်ပင့်လွန်းနေပါပြီ..ဒါပေမဲ့လည်းငါကျွမ်းကျင်တဲ့အရာတွေထဲမှာအဲ့တာမပါတာတော့အမှန်ပဲ"
ရွှမ်းမင်အကြည့်လွှဲကာ ရုပ်ထုရှိရာသို့ ဆက်လက်လျှောက်လှမ်းသွားသည်။ ရွှဲရှန်သည် ခေတ္တမျှတော့တုံ့ဆိုင်းသွားပေမယ့် အနောက်မှလိုက်ရန်ပဲဆုံးဖြတ်ကာ ရွှမ်းမင်ခြေထောက်အနား လှိမ့်ဆင်းသွားလိုက်၏။
"ငါ့ကိုချီပါလား?ဗိုက်ပြည့်နေတော့မူးရိပ်ရိပ်ဖြစ်နေတယ်"
ဂေါ်လီလုံးမျက်နှာပြင်ထက် ပေလူးနေသောရေညစ်များကို တစ်ချက်ကြည့်ကာ
"အလောင်းရေတွေခြောက်သွားရင်.."
လိမ့်လက်စဂေါ်လီလုံးလည်း ရပ်တန့်သွားသည်။
"အေး..ငါ့ကိုဒီလိုဆက်ရွံနေမယ်ဆိုရင်မင်းဆီတည့်တည့်မှန်အောင်ချိန်ပြီးအန်ပြမယ်!ယုံချင်ယုံမယုံချင်နေ!"
"ယုံပါတယ်"
ရွှမ်းမင်ခြေလှမ်းများလည်းပဲ ရပ်တန့်သွားပြီး ဂေါ်လီလုံးကို မကျေမနပ်ငုံ့ကြည့်လာသည်။ နောက်ဆုံးမှာတော့ ရွှဲရှန်ကိုငုံ့ကောက်လိုက်ပြီး ထိရတာမသတီသောပုံစံနှင့် အိတ်ကပ်အတွင်း ပစ်ထည့်လိုက်သည်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...