Unicode
အမာရွတ်နဲ့သူသည် ကြောက်စရာကောင်းသောအသွင်နှင့် မျက်နှာထားခက်ထန်ပေမယ့် တကယ်တမ်းမှာ သဘောဖြူသောသူဖြစ်၏။ သူ့အဖွဲ့တွင်ပါသော အမျိုးမျိုးအဖုံဖုံစုံလင်သောလူစုသည် ခင်ခင်မင်မင်နေတတ်ကြပြီး စိတ်ထားကောင်း၏။ အမာရွတ်နဲ့အမျိုးသားက သူတို့လိုက်မယ့်အကြောင်းပြောတော့လည်း လူပိုပါလာမှာကို စိတ်မကွက်သည့်အပြင် ရွှဲရှန်တို့အတွက် ရထားလုံးသီးသန့်ပေးဖို့တောင် ပြောလာသည်။
နှင်းမုန်တိုင်းအကြားတွင် တောင်တက်လမ်းအတိုင်းရှာသွားဖို့က ခက်ခဲ၏။ လူမကွဲသွားအောင် မြင်းတစ်ကောင်နှင့်တစ်ကောင်ကို ကြိုးအရှည်ဖြင့် နောက်ဆုံးလားအထိ တွဲချည်ထားသည်။
အမာရွတ်နှင့်အမျိုးသားသည် အအေးဒဏ်မှကာကွယ်ရန် မျက်နှာကိုပိတ်စီးထားပြီး သေရည်ပူပုလင်းကိုကိုင်ကာ ရှေ့ဆုံးကရထားလုံးအတွင်းမှာ နေရာဝင်ယူလိုက်သည်။ ပြီးလျှင် သူ့အဖွဲ့မှကျန်တဲ့သူတွေကို လှည်းဘီးအောက်မှ သစ်သားလုံးများအား ဖယ်ခိုင်းသည်။
"စထွက်တော့မယ်! သေချာထိုင်ထားကြ!"
သတိပေးသံနှင့်အတူ မြင်းများစရွေ့လာသည်။
ရွှဲရှန်တို့က တတိယမြောက်ရထားလုံးထဲမှာ ဖြစ်သည်။ လေးယောက်စီးရထားလုံးထဲတွင် ငါးယောက်ဆန့်ဖို့က အရမ်းတော့မခက်ခဲ။ အထူးသဖြင့် အလွန်အမင်းပိန်ပါးသော ကျန်းရှီနင်နှင့် ကလေးသာသာအရွယ်သာရှိသော လုနျယ်ချီကြောင့်ဖြစ်သည်။ လက်ခံနိုင်လောက်သောနေရာရသည်ဟု ဆိုလို့ရသည်။
စကားစမြည်ပြောရတာအား မနှစ်သက်သောရွှမ်းမင်ကို ရွှဲရှန်ကလွဲပြီး နှောင့်ယှက်ရဲသူမရှိ။ ရထားလုံးအတွင်း ရွှမ်းမင်အတွက် နေရာအကျယ်ချဲ့ပေးထားသည်။ ရွှဲရှန်အတွက်ကတော့...
ကျောက်တုံးကျန်းသည် ရွှဲရှန်ကို ကြွက်ကကြောင်ကို ကြောက်သလိုမျိုးကို ကြောက်ရွံ့၏။ သူ့ကို ရွှဲရှန်တစ်ခါကြည့်တိုင်း ဦးရေပြားထုံကျင်လာပြီး ကြောက်မက်ဖွယ်ရာ မိုးကြိုးစက်များ ကောင်းကင်ယံထက်ကနေ ဘယ်ချိန်မဆို ကျဆင်းလာနိုင်တယ်လို့ ခံစားနေရသည်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...