Copper Coins《铜钱龛世》

အခန်း ၂၈[မြစ်အတွင်းနစ်မြုပ်နေသောအရိုးများ ၅]

Unicode

"ဘာအနံ့ကြီးလဲ?"

လုနျယ်ချီသည် ကြောက်လွန်း၍ အသက်မရူရဲတော့။ စကားပြောလို၍ပါးစပ်ဟပြီးနောက် သတိရကာ အလျင်အမြန်ပြန်ပိတ်လိုက်သည်။ ထူးဆန်းသောဝိညာဥ်တစ်စုံတစ်ရာမှ ခန္ဓာကိုယ်အား သိမ်းယူသွားလေမလား စိုးရိမ်နေပုံနှင့်။

ကျန်းရှီနင်၏သတိပေးမှုနှင့်အတူ အကြားအမြင်မှာ သာမန်လူသားများ (ရွှမ်းမင်အပါအဝင်) ထက်သာသောသူဖြစ်တာမို့ စတင်ပြီး အနံ့ကိုအာရုံခံမိသွားသည်။

"ပေါက်ပင်"

ထိုရနံ့...တစ်စုံတစ်ယောက်မှ အပင်တစ်ပင်ကိုနုတ်ယူပြီး မြေပေါ်တင်ထားရာမှ ထွက်ပေါ်လာသော သစ်စေးရနံ့။ အနံ့ကောင်းသည်၍လည်းမဟုတ် ဆိုးသည်လည်းမဟုတ်။ အလုံပိတ်မှောင်မိုက်နေသော လှိုဏ်ဂူအတွင်းမှာတော့ အနှီရနံ့သည် လွန်စွာထူးဆန်းနေပေလိမ့်မည်။

ဆေးခန်း၌ကြီးပြင်းခဲ့သူ ကျန်းရှီနင်အဖို့ ငယ်စဥ်ကတည်းက ဆေးပင်ဆေးမြစ်ရနံ့များနှင့် ရင်းနှီးကျွမ်းဝင်ခဲ့သည်။ ဆေးပညာနှင့်ပတ်သတ်ပြီး မိဘများလောက်တော့ အသိမနီးပေမယ့် အခြေခံမျှတော့ နားလည်ထားသည်။ ဆေးပင်ရနံ့များအား ခွဲခြားသိရှိနိုင်သူဖြစ်တာကြောင့် ထိုအနံံ့အား သတိပြုမိခြင်းသည် အတော်အသင့်မျှတော့ အရေးပါလှ၏။

"နှာခေါင်းကောပါးစပ်ကောပိတ်ထားစရာမလိုဘူး"

ရွှဲရှန်စကားကြောင့် သတ္တိမွေးပြီးလျက်သားဖြစ်သွားသော ကျန်းရှီနင်သည် ရွှမ်းမင်အိတ်အတွင်းမှ ခေါင်းပြူထွက်လာရာ မျက်သလဲဆန်ပြာဖြစ်နေသော လုနျယ်ချီနှင့် တိုးတော့သည်။ စက္ကူလက်ကို ခပ်ပေါ့ပေါ့ယမ်းခါကာ

"မင်းကဒီအနံ့နဲ့ရင်းနှီးမှာတော့မဟုတ်ဘူး..အမှန်တိုင်းပြောရရင်ငါတောင်အဲ့လောက်အနံ့ရခဲ့ဖူးတာမဟုတ်ဘူး..ဒီဟာကြောင့်သေသွားတဲ့သူတွေကသေပုံထူးဆန်းတာမလို့မှတ်မိနေတာ..'ခုနှစ်မြင့်၊ရှစ်နိမ့်၊ကိုးသေ'ဆိုတဲ့အဆိပ်အကြောင်းကြားဖူးလား?ဆိုလိုတာကအဆိပ်မိပြီဆိုရင်အမြင့်တက်နေချိန်မှာအများဆုံးခုနှစ်လှမ်း..အနိမ့်ဆင်းချိန်မှာအများဆုံးရှစ်လှမ်း..ကိုးလှမ်းလှမ်းမယ့်အချိန်မတိုင်ခင်မှာသေမယ်တဲ့"