Unicode
〈တာ့ရှန်းရမ် - ကြင်နာသနားတတ်သူ၊ ပရဟိတသမား〉
ရွှဲရှန်မှ ရုတ်တရက်စစ်မေးလာတာကို ရွှမ်းမင်နားမလည်သော်လည်း ပြန်ဖြေပေးလိုက်သည်။
"အတိတ်ကမှတ်ဥာဏ်တစ်ပိုင်းတစ်စတော့ကျန်နေသေးတယ်..တစ်ချို့တစ်လေကကလေးဘဝတုန်းက"
အလွန်တရာမှ အလေးအနက်ဖြစ်နေသော ရွှဲရှန်ပုံစံကြောင့်လည်း ဖြစ်နိုင်သည်။ သူ့မေးခွန်းက သိပ်မသင့်တော်လှ။ ပြန်ဖြေရင်းနှင့် ရွှမ်းမင်ငုံ့ကြည့်ရာ တည်ငြိမ်အေးချမ်းလှသည့် နက်မှောင်သောမျက်ဝန်းအိမ်သည် ရွှဲရှန်မျက်ဝန်းများနှင့် အကြည့်ချင်းဆုံသွား၏။ ရွှမ်းမင်က ထပ်ပြောလာသည်။
"သေချာတယ်"
တည်းခိုဆောင်တွင် စကားအပြန်အလှန်ပြောဆိုခဲ့သည့်အချိန်မှစ၍ ရွှမ်းမင်၏စိတ်နေသဘောထားကို ပိုမိုနားလည်လာသည်ဟု ရွှဲရှန်ခံစားမိသည်။ သို့မဟုတ် ပိုပြီးသေချာလာတာလည်းဖြစ်နိုင်သည်။
ကတုံးနဲ့ပတ်သတ်ပြီး အရာအားလုံးကို လှစ်လျူရှုထားလိုက်လျှင် ကောင်းချက်လေးတစ်ခုကတော့ သူ့ထံတွင်ရှိ၏။ ကတုံးသည် ဘယ်သောအခါကမှ မလိမ်ခဲ့။ တစ်စုံတစ်ရာကို မမှတ်မိဘူးဆိုလျှင် ရွှဲရှန်စိတ်ကျေနပ်အောင် ပလီစိချောက်ချက်ညန်းဆင်ပြီး ပြောတတ်သူမဟုတ်။ မေ့သွားပြီလို့သာ ရိုးရိုးရှင်းရှင်း ပြန်ပြောသည့်သူဖြစ်သည်။ ရွှမ်းမင်မှမှတ်မိပေမယ့် မပြောချင်ဘူးဆိုလျှင် အလိုက်သင့်လေး ပြောပေးမယ့်အစား ရွှဲရှန်ကို ပြောချင်တဲ့ဆန္ဒမရှိဘူးလို့သာ ပြောမည့်သူပင်။
ရွှမ်းမင်မှ 'သေချာတယ်'လို့ တည်ငြိမ်စွာပြောလာလျှင် တကယ်ပဲ ယုံမှားဖွယ်မရှိသောကြောင့်ဖြစ်သည်။ ကလေးဘဝက မှတ်ဥာဏ်တစ်ပိုင်းတစ်စများ သူ့ထံတွင် ကျန်နေခဲ့ပုံရပြီး ထိုစဥ်ကတည်းက ဘုန်းတော်ကြီးဖြစ်နေခဲ့လောက်မည်။
ရွှမ်းမင်ဆီမှ တုံ့ပြန်စကားကို ကြားသောအခါ ရွှဲရှန်သည် ခေါင်းမငြိမ့်သလို ခေါင်းလည်းမခါ။ အချိန်တစ်ခုအထိ ဘာမှမပြောပဲ ရွှမ်းမင်ကိုသာ စိုက်ကြည့်နေသည်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...