Unicode
ရွှဲရှန် ဝတ်ရုံကို ပြင်ဝတ်ပြီးသွားပြီဖြစ်ပေမယ့် ရွှမ်းမင်ဆက်မသွားပဲ ရပ်တန့်လို့နေသည်ကို မြင်သွား၏။ ကုလားထိုင်မှာထိုင်နေရင်း နောက်သို့ငဲ့ကြည့်ကာ
"ဘာလို့မသွားပဲရပ်နေတာလဲ?"
ရွှမ်းမင်သည် အကုသခံထားသော လက်ကိုမြှောက်၍
"နဂါးသွားရည်ကိုလူတွေဘယ်နေရာမှာအသုံးပြုကြလဲဆိုတာသိလား?"
ရွှမ်းမင်ပုံစံက တည်ငြိမ်လှပေမယ့် လေယူလေသိမ်းမှာ ရှုပ်ထွေးလှသော ခံစားချက်များ တသီတသန်း ဖြတ်သန်းနေသည့်နှယ် တမျိုးတမည် မှားယွင်းလို့နေသည်။ ရွှဲရှန် မျက်နှာမဲ့သွား၏။
【ဒီကတုံးဟာတကယ်ပဲငါမပြောချင်တဲ့ဟာဆိုရင်အစဖော်လိုက်ရမှ! အခုလူပုံစံနဲ့ကျတော့ကိုယ်လုပ်ခဲ့တာကိုပြန်တွေးလိုက်ရင်တမျိုးကြီးပဲ】
အဟမ်း
ရွှဲရှန်မှာ မျက်နှာထားကို ပြန်လည်တည်တံ့လိုက်ပြီး ကိုယ့်သိက္ခာပြန်ဆယ်လို့ရအောင် တစ်ခုမဟုတ်တစ်ခုကို ကြံဖန်ပြောလိုက်သည်။
"ငါ့သွားရည်ပဲ..လူတွေဘယ်နေရာမှာသုံးကြလဲငါကဘာလို့သိချင်ရမှာလဲ?"
ပြီးလျှင်
"ဒဏ်ရာပျောက်ကင်းတဲ့နေရာမှာအသုံးဝင်တယ်..ဒါပဲငါသိတယ်..ငါ့ခန္ဓာကိုယ်အစိတ်အပိုင်းတွေကိုကျိတ်ပြီးဆေးအဖြစ်လုပ်ရောင်းမှာလဲမဟုတ်ပဲနဲ့..ရူးနေတာမလို့လား?"
ရွှမ်းမင်ကို ဒေါသတကြီးစိုက်ကြည့်ပြီး အရှေ့ကို ပြန်လှည့်သွားသည်။ ပြီးလျှင် ကုလားထိုင်လက်တင်ကို စိတ်မရှည်စွာ ခေါက်လျက်
"မင်းဒဏ်ရာကိုကုသပေးခဲ့တယ်..ကျေးဇူးမတင်လည်းအရေးမဟုတ်ဘူး..မဟုတ်တာတွေလျှောက်ပြောမနေနဲ့..သွားမယ်!"
ရွှဲရှန်ရည်ရွယ်ထားသည်မှာ စိတ်ဆိုးသွားကြောင်း ပြသရန်ဖြစ်သည်။ ဒဏ်ရာကို လျက်ပေးခဲ့သည့် ကိစ္စရပ်ကို ရွှမ်းမင်မေ့ပျောက်သွားလောက်အောင် သူ့လေသံက တင်းမာနေလျှင်ရပြီ။
အကြံအတိုင်း ဖြစ်မြောက်သွားရှာသည်။ ရွှဲရှန်သည် ရွှမ်းမင်ကို မျက်လုံးထောင့်ကနေ ခိုးကြည့်နေရင်း ရွှမ်းမင် လက်ခါလျက် ပြန်ချထားလိုက်သည်ကို တွေ့၏။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...