မရည်ရွယ်ပဲ ရိပေါ်၏ ကားလေးက ရှောင်းကျန့် အလုပ်လုပ်နေသည့် ကော်ဖီဆိုင်လေးသို့။ ရိပေါ် ထောင့်ကျသည့် တစ်နေရာမှာ ဝင်ထိုင်လိုက်ရင်း ရှောင်းကျန့် အလုပ်လုပ်နေသည်ကို ကြည့်နေမိသည်။
*ဖုန်းနံပါတ်လေး ရနိုင်မလားဟင်*
ရိပေါ် ဒေါသထွက်သွားသည်။ ကြည့်ရတာ ကျောင်းသူလေးတွေထင်သည်။ ရှောင်းကျန့် ကော်ဖီလာချပေးသည်နှင့် တဟိဟိလုပ်ပြီး ဖုန်းနံပါတ် တောင်းနေကြသည်။
*ချစ်သူရှိပါတယ်ဗျ*
*ဟွင့်*
သို့ပေမယ့် ရှောင်းကျန့်၏ အဖြေကြောင့် ရိပေါ် ကျေနပ်သွားရသည်။ ဘာမှန်းမသိသည့် ကြည်နူးမှုလေးကလဲ ရင်ထဲတိုးဝင်လာသည်။
ငါ့နောက်ကွယ်မှာတောင် သစ္စာရှိပါလားဆိုသည့် ခံစားချက်က ရိပေါ်အတွတ် ပထမဦးဆုံး ခံစားဖူးသည့် ခံစားချက်လေး။
*ဟာ အဆိုးလေး*
ရိပေါ်ကို မြင်ပြီး အံ့ဩသွားသလိုလေး ဖြစ်သွားသည့် ရှောင်းကျန့်၏ မျက်နှာကြောင့် ရိပေါ် ရင်ခုန်သွားသည်။
သို့ပေမယ့် ရိပေါ် မျက်နှာတွင် ဘာမှမဖြစ်သလို ခပ်တည်တည်ဖြင့်သာ။
*ဘာလာလုပ်တာလဲ အဆိုးလေးက*
*ကော်ဖီလာသောက်တာပေါ့..ဘာလဲ ငါ လာလို့မရဘူးလား*
ရှောင်းကျန့်က ခေါင်းအသာခါကာ ရယ်ရင်းပင်
*ရပါတယ် အဆိုးလေးရဲ့။ အဆိုးလေးက ဒီလိုဆိုင်တွေ မထိုင်လောက်ဘူး ထင်လို့*
*နေစမ်းပါ..ငါ့အတွတ် cappuccinoတစ်ခွက်*
*အိုခေ..အိုခေ ကိုယ့်အချစ်တွေ ထည့်ဖျော်လာခဲ့မယ်*
ရိပေါ် ရှောင်းကျန့်၏ ကျောပြင်ကြီးကို အနောက်ကနေ ကြည့်ကာ ချစ်သည့်စိတ်တွေသာ တိုးလာသည်။ ရှောင်းကျန့်သည် အိမ်နေရင်း စုတ်စုတ်ပြတ်ပြတ်အဝတ်အစားနဲ့တောင် ချောလွန်းသည့်ကောင်။
အခုလဲ ဝန်ထမ်းအဝတ်အစားဖြင့် ကြည့်ကောင်းနေဆဲ။ ရှည်လျားသည့် အရပ်ကြီးက မိန်းကလေးတိုင်း၏ အိမ်မက်ထဲက ချစ်သူပုံစံလိုပင်။