ရိပေါ် နိုးလာသည်နှင့် တစ်ကိုယ်လုံးက ကိုက်ခဲနေကာ လှုပ်ပင်မလှုပ်ချင်။ အောက်ပိုင်းတစ်ခုလုံးလှုပ်လိုက်တိုင်း နာကျင်လာတာ မျက်ရည်ဝဲသည်အထိ။ နေ့လည်က အကြောင်းကို ပြန်တွေးမိတော့ မျက်ရည်တွေက ထိန်းမရ။ ရှောင်းကျန့်က သူ့ကို ဒီလောက်တောင် မုန်းနေသည်တဲ့လား။
ရောက်နေတဲ့အိမ်ကို တစ်ချက်ကြည့်လိုက်တော့ သူ့ရဲ့အိမ်။ ကြီးမားခံ့ညားသည့် အိပ်ယာပေါ်တွင် ရိပေါ်ရောက်နေကာ အဝတ်အစားတွေကလဲ လဲထားပေးသည်။ ရှပ်အဖြူအပွကြီးဝတ်ပေးထား၍ ရိပေါ်၏ လက်ချောင်းလေးတွေပင် မမြင်ရ။ အိပ်ယာပေါ်က နည်းနည်းရွေ့သည်နှင့် နာကျင်လွန်း၍ ရိပေါ် အိပ်ယာစကို ဆွဲစုပ်ထားမိသည်။
ရှောင်းကျန့် သူ့ကိုရယူခဲ့တာ ပုံစံအစုံပင်။ ပြီးတော့ ရုံးခန်းထဲမှာ။ ထိုလို ပြန်တွေးလေ ခန္ဓာကိုယ်ထက် ရင်ထဲက နာကျင်လေပင်။ သူ လိုအပ်လျှင် ရိပေါ် ပေးဖို့အဆင်သင့်။ ထိုလို အကြမ်းနည်းနဲ့ ရယူစရာပင် မလို။
ပြီးတော့ ထိုလို ရယူတာကလဲ ရိပေါ်၏အပေါ်တွင် အထင်သေးစွာ။ သူနဲ့ ကြိုက်မိခဲ့၍ ရိပေါ်က ယောကျာ်းတိုင်းကို ကြိုက်နေသည်ဟု သူ ထင်နေသလား။ ရိပေါ်သည် ရှောင်းကျန့်အပေါ်ကလွဲ ဘယ်ယောကျာ်းအပေါ်မှပင် ရင်မခုန်ခဲ့ပါချေ။ ဒါကို ရိပေါ်အား ရှောင်းကျန့်သည် ဘယ်အထိ ဆွဲချချင်နေသလဲ မသိတော့ပေ။
*နိုးနေပြီလား*
ကျွန်းရောင် တံခါးကြီး ပွင့်လာကာ အထဲဝင်လာသည့် သူ။ ရှပ်မီးခိုးရောင်ကို အိမ်နေရင်း pantဖြင့် တွဲဝတ်ထားလေသည်။ နဖူးပေါ်တွင် ဆံပင်အချို့က ခပ်ဝဲဝဲကျနေသေးသည်။ ရိပေါ် သူ့ခြေလှမ်းအတိုင်း အကြည့်မလွှဲပဲ ကြည့်နေခဲ့သည်။
ရိပေါ်အရမ်းချစ်ရသည့် ရှေ့ကသူသည် ရိပေါ်အား အမုန်းကြီး မုန်းနေခဲ့သည်။ ရိပေါ်အား အထင်သေးနေသည်။ ရိပေါ် မနက်ကထိ သူ့၏ ထိုလိုအပြုအမူတွေ၊ အထင်သေးမှုတွေကို ရိပေါ် ခေါင်းငုံ့ခံခဲ့သည်။ ရိပေါ်က သူ့ကို ထားခဲ့သူမလို့။ ရိပေါ်က စမှားခဲ့လို့။ အခုတော့ ရိပေါ် အပြစ်တွေ ကျေပြီထင်၏။
*ငါ့ကို အရမ်းမုန်းနေတယ်မလား*
အိပ်ယာဘေး မတ်တပ်လာရပ်သူကို မော့ကြည့်ကာ ရိပေါ်မေးလိုက်သည်။ တင်းတင်းစေ့သွားသည့် နှုတ်ခမ်းတွေက ဘာမှမပြော။ ဆိတ်ဆိတ်နေခြင်းသည် ဝန်ခံခြင်းတဲ့။ ရိပေါ် ဟက် ခနဲ ရယ်လိုက်ကာ
