នៅពេលយប់...!!!
ក្នុងបរិវេណអាងទឹកនៅក្នុងភូមិគ្រិះត្រកូលក្លូវេននាពេលនេះក៏មានរាងកាយស្តើងអង្គុយម្នាក់ឯងទម្លាក់ជើងចូលទៅក្នុងទឹកហើយក៏ទម្លាក់ទុក្ខកង្វល់អោយរសាត់ចោលទាល់តែអស់ ។
ជំនោរខ្យល់នាពេលយប់ត្រជាក់ផាត់ប៉ះកាយស្តើងធ្វើអោយនាងមានអារម្មណ៍ថាព្រឺរងារបាស់សម្បុលឡើងខ្ញាកៗញាក់ ! ប្រអប់ដៃស្រឡូនបានលើកអង្អែលផ្ទៃពោះដែលរាបស្មើរនាងខ្លួនឯងនាងប្រាកដជាដឹងថាខ្លួនឯងកំពុងតែកើតអីនៅពេលនេះ ...។
" មកកើតនៅពេលនេះលំបាកកូនហើយណាកូនសម្លាញ់ "
" តែមិនអីទេម៉ាក់ជឿថាបន្តិចទៀតនឹងល្អឆាប់ៗ "
" កូនទ្រាំសិនណាយ៉ាងច្រើនបន្តិចទៀតម៉ាក់នឹងផ្តល់សុភមង្គល់ប៉ះប៉ូវសងទៅអោយកូនវិញ " ឡូរ៉េននិយាយម្នាក់ឯងព្រោះតែនាងនៅម្នាក់ឯងមិនបារម្ភថាខ្លាចអ្នកណាដឹងលឺ នាងបាត់រដូវនាងអារម្មណ៍ប្រែប្រួលនាងក្អួតអាការះអ្នកចាញ់កូនបើថាមិនចាញ់ទៀតជារឿងដែលមិនគួរអោយជឿពេកហើយ ...។
" ឡូរ៉េន !!! " ព្រីនន័រហៅនាង
" លោកទើបតែមកទេមេនទេ ? " ឡូរ៉េនសួរដើម្បីសុវត្ថិភាពនាងខ្លាចគេលួចស្តាប់លឺនាងនិយាយអស់ហើយទើបចេញមុខមក ។ ព្រីនន័រញញឹមហើយក៏ដាក់ខ្លួនអង្គុយចុះក្បែរនាង
" ទើបតែមកទេ ! យ៉ាងមិចខ្លាចដឹងរឿងអីរឺ ? "
" គ្មានទេ "
" ហក៎ណេះយកទៅរបស់សំខាន់ ! ខ្ញុំចង់ដឹងលឺដែល "
ព្រីនន័រនិយាយហើយក៏ហុចប្រដាប់ពិនិត្យផ្ទៃពោះមួយអោយទៅឡូរ៉េនគេក៏ចង់ដឹងថានាងមានផ្ទៃពោះពិតរឺមួយក៏អត់ដែលបើឡូរ៉េនមានពិតប្រាកដមេនគេនឹងបានអបអរ តែឡូរ៉េនគ្រវីក្បាលហើយក៏ហុចទៅអោយព្រីនន័រវិញ ក្បាលរឹងដូចជាដែកមិនងាយបង្ខំបានទេ ។
" ហេតុអី ? ខ្លាចហ្អេស៎ ? តែមុខនឹងមើលទៅក៏ដឹងថាមិនហ៊ានទទួលយកការពិតរឺក៏និយាយការពិតប្រាប់អ្នកណាដែល " ព្រីនន័រចាក់ដោតឡូរ៉េនទាំងស្រុងអោយនាងមានអារម្មណ៍ថាខឹងហើយបន្ទាប់មកនាងក៏ដាក់គេមួយកែងដៃរាងខ្លាំងបន្តិច ។
" កុំនិយាយលេងច្រើនពេក "
" ស្អប់ណាស់មនុស្សធំហើយមិនទទួលស្គាល់ការពិត "
" ព្រីនន័រ !!! បានហើយឈប់នៅជាមួយលោកហើយខ្ញុំត្រឡប់ទៅផ្ទះវិញហើយខូចអារម្មណ៍ណាស់ " ឡូរ៉េនលើកជើងចេញផុតពីទឹកហើយក៏ដើរទៅយករបស់របររបស់នាងដែលដាក់លើប៉ៅអ៊ីរៀបចូលដាក់ក្នុងកាបូបទាំងអស់ ។ នាងចាប់ប៉ះទូរស័ព្ទហើយក៏ឈ្លាតបើកមើលបន្តិចឃើញថាហូស៊កមានផ្ញើរសារមកនាងច្រើនណាស់រាប់មិនអស់ទេហើយក៏សុទ្ធតែរូបអុីម៉ូជី«😭»បែបនេះទាំងអស់ ... គេស្រវឹងប្រហែលជាមើលមិនច្បាស់ទើបជ្រុលផ្ញើរមកបែបនេះ ឡូរ៉េនបិទចោលមិនខ្វាយខ្វល់ហើយបន្ទាប់មកនាងក៏ចាកចេញតែម្តងដោយមិនលាព្រីនន័រសូម្បីតែមួយម៉ាត់ ...។
ភូមិគ្រិះត្រកូលអូដេស៍សា !!!
ហូស៊កនៅពេលនេះដែលក៏ផឹកស្រវឹងម្នាក់ឯងឡើងលិចថ្លើមតែម្តងផឹកទាល់តែផឹកលែងចូលដេកបើកភ្នែកមិនចង់រួចសភាពដូចមនុស្សជិតស្លាប់យ៉ាងអណោចអធមអញ្ចឹង ...។
" លោកប្តីបងយ៉ាងមិចហើយ ? "
" កុំ...កុំមករវល់ " ហូស៊ករុញជេយ៍សុីមិនអោយមករវល់ជាមួយ
" លោកប្តីបងកុំធ្វើដាក់អូនបែបនេះអីណា "
" យ៉ាងណាក៏ពួកយើងជាប្តីប្រពន្ធនឹងគ្នាហើយអូនក៏កំពុងតែកូនជាមួយបងទៀតបងថ្នមអូនបន្តិចទៅណាហូស៊ក " ជេយ៍សុីនិយាយដោយសម្តីផ្អែមហើយក៏ទាញបាតដៃរបស់ហូស៊កប៉ះលើផ្ទៃពោះរៀបស្មើររបស់នាងតែក៏ត្រូវហូស៊ករុញចេញម្តងទៀត ។
" បងស្អប់អូនដល់ថ្នាក់នេះរឺហូស៊ក ? "
" មេន- មេនហើយខ្ញុំស្អប់នាងណាស់ "
" ណ្ហើយបើដល់ដំណាក់កាលមួយនេះហើយអូនចុះចាញ់ក៏បាន "
" បងសុីញ្ញេលើក្រដាសមួយនេះអោយអូនមក " ជេយ៍សុីបញ្ចេញក្រដាស់មួយសន្លឹកដែលមានតម្លៃចំពោះនាងយ៉ាងខ្លាំងតម្លៃលើសពីអ្វីៗទាំងអស់ ផ្ទៃមុខរបស់នាងញោចនូវស្នាមញញឹមបន្ទាប់ពីឃើញក្រដាស់មួយនោះហើយបន្ទាប់មកនាងក៏សំដែងប្រែទឹកមុខធ្វើជាសោកសៅវិញបន្ទាប់ពីហុចក្រដាស់មួយសន្លឹកនោះហើយនឹងបិចមួយដើមអោយទៅហូស៊ក ...។
" អ្វី ? "
" សំបុត្រលែងលះបងសុីញ្ញេមកអូននឹងដើរចេញ "
" ល្អ " ផឹកស្រវឹងជ្រុលពេកការចាំក៏មិនសូវជាល្អភ្នែកក៏ព្រឹលមើលអ្វីលែងច្បាស់មិនបានពិនិត្យពិច្ច័យអោយបានត្រឹមត្រូវថាក្រដាស់មួយនោះបានសរសេរចារអ្វីខ្លះ ? ខណះពេលដែលគេកំពុងតែស្អប់នាងខ្លាំងដែលកាលបើលឺថានាងនឹងដើរចេញបន្ទាប់ពីហូស៊កសុីញ្ញេលើក្រដាស់មួយនោះហើយហូស៊កក៏យល់ព្រមសុីញ្ញេដោយងាយៗជាទីបំផុត ។
" ចេញ- នាងឆាប់ចេញទៅ អឹកក "
" ល្អថែខ្លួនណាអតីតប្តី ហាហាហា " ជេយ៍សុីសើចយ៉ាងសប្បាយចិត្តហើយក៏ងើបដើរក្រឡងលើហូស៊កធ្វើព្រងើយគ្រប់យ៉ាងបានសម្រេចតាមផែនការរបស់នាងបានកំណត់ទុកហើយថ្ងៃស្អែកនឹងមានកំណែរប្រែយ៉ាងពិសេសមួយចាំតែមើលទៅ ...។
=============================
ឈុតក្រោយតួប្រុសក្លាយជាមនុស្សឡប់សតិនិយាយលែងដឹងរឿង 😬
✨ឆេមីន♡
ВЫ ЧИТАЕТЕ
ដៃគូជីវិត (Complete ✔️ )
Любовные романыចំណងអាពាហ៍ពិពាហ៍មួយដែលស្វាមីហើយនឹងភរិយាមិនចុះសម្រុងគ្នា ! រៀបការដោយការរក្សាកេរ្តិ៍ឈ្មោះ តើចុងបញ្ចប់របស់ពួកគេនឹងទៅជាយ៉ាងណា ?
