Unicode
ညည့်နက်လာပေမဲ့သူတို့ပန်းတိုင်မရောက်သေးပေ။ သယ်လာတော့ဝံပုလွေကြီး၂ကောင်တော့မသိပေမဲ့ဆူရွန်ကစိတ်ဓာတ်ကျကာအရမ်းအိပ်ချင်လာသည်။ ဒီကသူတွေနေရာပြောင်းမန္တျန်းတွေမသုံးတတ်ကြဘူးလားဟ? ငါတို့ကပြင်ပလူမို့နေရာမသိလို့မသုံးကြတာလေ? တွေးရင်းတွေးရင်းအိပ်ပျော်သွားတော့သည်။
ကြီးမားသည့်ကုတင်ကြီး၏သားမွှေးအိပ်ယာပေါ်၌အိပ်နေသောဆူရွန်ကြောင့် 30ခေါ်နှိုးနေရသည်။
<"host ဒီတစ်သက်ထဖို့အစီအစဥ်ရောရှိသေးလား">
'5မိနစ်'ဟုပြောပြီးတစ်ဖက်လှည့်အိပ်သွားလေသည်။
နိုးမရသည့်အဆုံးအပြစ်လုပ်မှသုံးရသည့်လျှပ်စီးဓာတ်ကိုအသုံးပြုလိုက်သောအခါမှချက်ချင်းမျက်စိပွင့်ကာထထိုင်လာသည်။ ပုံမှန်ထက်ဆယ်ဆလောက်အားပျော့ပေမဲ့ဘာမှမပြင်ဆင်ထားသည့်အတွက်ပိုနာကျင်ရသည်။
ဆူရွန်နိုးလာတော့သူ့ရှေ့မှာထိုင်နေသည့်အနီရောင်မျက်ဝန်း၊အနက်ရောင်ဆံပင်ရှည်နှင့်အမျိုးသားလေးကြောင့်ကြောင်အသွားရသည်။ အမျိုးသားလေးကသူတို့ဝတ်ထားသကဲ့သို့ဝတ်ဆင်ထားသည်။ ထို့အပြင်ထိုအမျိုးသားငယ်၏နောက်တွင်မားမားမတ်မတ်ရပ်နေသည့်အပေါ်ပိုင်းအဝတ်မပါသောအမျိုးသားကြီးကအခုပဲအမဲဖြတ်တော့မည့်မုဆိုးကဲ့သို့ဖြစ်နေ၏။
သူဒီကမ္ဘာထဲစရောက်ထဲကဒီလိုကြောက်ရွံ့ပြီးကြက်သီးထဖွယ်အချေနေကိုပေးစွမ်းနိုင်သူမရှိပေ။ ဆူရွန် ၏ခန္ဓာကိုယ်အရှိန်အဝါကြောင့်သူ့ကိုခြိမ်းခြောက်နိုင်စွမ်းမည်သူမျှမရှိကြပေ။ အန္တရယ်အရှိဆုံးရွိုင်းနှင့်ဘရိုက်ကသူ့ကိုနာကျင်စေမည်မဟုတ်၍ထိုခံစားချက်မျိုးမခံစားဖူးပေ။
"ခင်...ခင်ဗျားတို့က..." မဝံ့မရဲမေးလိုက်တော့အမျိုးသားလေး၏မျက်နှာကမျက်ရည်ဝဲသွားသည်။ ဤသည်ကိုမြင်သည့်အနောက်ရှိအမျိုးသားကြီးကသူ့ကိုဂုတ်ကနေဆွဲလိုက်သည်။ ဒီရက်ပိုင်းဂုတ်ကနေအဆွဲခံရဖို့ကံပါလာသည်ထင်သည်။ သူ့မျက်ဝန်းတွေကဆူရွန့်အတွက်နွေးထွေးနေပေမဲ့စိတ်ဆိုးနေဟန်လည်းပေါ်သည်။
YOU ARE READING
I am a System30 (series1)
Fantasyဘာမှန်းမသိတဲ့အပြစ်ကြောင့်systemအဖြစ်hostပေါင်းများစွာနဲ့လက်တွဲကာmissionများစွာထမ်းဆောင်ရမည့် System 30 ........ ဘာမွန္းမသိတဲ့အျပစ္ေၾကာင့္systemအျဖစ္hostေပါင္းမ်ားစြာနဲ႔လက္တြဲကာmissionမ်ားစြာထမ္းေဆာင္ရမည့္ System 30 ........ Glo🍁🍁 🍇🍇🍇 Start=Nove...
