True Love 💭❤ အပိုင်း - ၁၂
(Unicode)
1 လခန့်ကြာသော်.....
ကွန့်မြူးညလရောင်တို့နှင့်အတူ အတွေးဆဆတွေး၍ ဘီယာဗူးတစ်ဗူးကိုဖောက်သောက်လိုက်တော့သည်။ တစ်ဗူးလုံးကုန်သွားသော်လည်းရီဝေမှုမရှိ ချိုမြမြအရသာကြောင့် ကွန့်မြူးပို၍အလိုမကျဖြစ်သွားရသည်။ စိတ်လွတ်ကိုယ်လွတ်မူးရူးချင်ပေမယ့်လဲ ကောင်မလေးအိမ်တွင်ရှိသည်ဆိုသည့်အသိကြောင့် အပြင်းစားအရက်တွေကိုကျော်လွန်၍ ဘီယာဗူးတစ်ဗူးကိုသာစိတ်ပါစွာ ကိုယ်တိုင်ယူဆောင်ခဲ့သည်မဟုတ်လား။ ယခုမှအလိုမကျဖြစ်နေရသည်မှာလဲဘီယာကြောင့်ပဲလား ကိုယ့်အတွေးတွေကြောင့်ပဲလားဆိုတာ မမူးပဲအဖြေရှာမရစွာအကျပ်ရိုက်နေရသည်။
သေချာခဲ့ပြီ သူ့ခံစားချက်တွေသေချာသလောက်ရှိခဲ့ပြီမို့ အခက်တွေ့နေရတော့သည်။ ကောင်မလေးကအခုဆို သူ့ကိုအကိုတစ်ယောက်လိုမျိုးခင်တွယ်နေမိပြီမလား။ သူလေးအခုမှပျော်ရွှင်လာရသလိုအမြဲ မျက်နှာလေးကြည်တောက်စွာအမြဲပြုံးပျော်နေရသည့် ချစ်စဖွယ်ပုံစံလေးကိုလဲသူအခုမှ အလိုကျစွာတွေ့နေရသည်မဟုတ်လား။ ပျော်စေချင်ပါသည်။ အမြဲပျော်ရွှင်နေပြီး အပူအပင်လေးလဲကင်းစွာဒီအိမ်မှာတစ်သက်လုံးနေစေချင်ပါသည်။ ရွာလဲမပြန်စေချင်သလို အဝေးထွက်သွားပြီးနေမှာလဲမလိုချင်ဖြစ်ရသည်။
ဒီတစ်လလေးအတွင်းမှာဘာတွေသိခဲ့ရလဲဆိုလျှင် သူမလေးမှလွဲ၍တစ်ခြားမိန်းခလေးအနားကပ်လာလျှင် ကွန့်မြူးသိသာစွာစိတ်အိုက်လာရသည်။ တစ်ခြားဝန်ထမ်းယောက်ကျားလေးတွေနှင့်စကားပြောနေလျှင်ကွန့်မြူးအလိုမကျစွာ စိတ်တို့တို၍ ကောင်မလေးကိုအနားခေါ်ထားတတ်သည်။ ပြောစကားနားမထောင်ပဲတလွဲလုပ်လာလျှင်လဲ ဆူငေါက်မိပေမယ့်စိတ်ထဲတော့မပါ အမြဲသနားနေရပြန်သည်။
မျက်လုံးဝိုင်းဝိုင်းလေး မျက်တောင်ကော့ကော့လေး မျက်မှန်လေးနှင့်ချစ်စရာသိပ်ကောင်းသည့်ကောင်မလေးကို ကွန့်မြူးတစ်ရက်တစ်ရက် တိုးပွားလာသည့်သနားကြင်နာမှုနှင့်အတူ အချစ်တွေလဲတိုးပွားလာမိပြီထင်ပါသည်။ ဆူငေါက်လိုက်တိုင်း ခေါင်းလေးငုံ့ငုံ့သွားတတ်ပြီး မျက်လုံးပြူးပြူးလေးနှင့် ခပ်ကြောက်ကြောက်လေးကြည့်လာလျှင်ရင်ဘက်ကြီးတစ်ခုလုံး စုတ်ပြတ်သွားသလိုခုန်လာတတ်သေးသည်။
