(Unicode)
True Love 💭❤ အပိုင်း - ၅၃"ဟေ့ အိပ်တော့လေ"
"မအိပ်ပါဘူးဆိုမှပဲ "
မိုက်ကြီးကိုင်ကာ ကုတင်ပေါ်ထိုင်ခိုင်း၍မရ အခန်းထဲပက်ပြေးနေသည့်ကောင်မလေးကြောင့် ကွန့်မြူးအခက်တွေ့နေရတော့သည်။ မူးသည်ကလဲ မထနိုင်အောင်ထိမူးသည်မဟုတ်ပဲ အသိစိတ်လွတ်ရုံပြေးနိုင်ရုံဆိုတော့ ကွန့်မြူးလဲမတတ်နိုင်လိုက်၍ဖမ်ရတော့သည်။
"သီချင်းဆိုမယ် ဖွင့် ဖွင့်.."
"ဖွင့်မရဘူးကွ TV ကြီးကပျက်နေတာ "
"ဟား အစုတ်ကြီးလား "
TV ဖွင့်ဟန်ဆောင်နေသည့်ကွန့်မြူးနားလာကာ အံမယ်သူလေးကကြည့်တယ်ပေါ့။ ခေါင်းလေးစောင်းပြီး ခဏလာကြည့်လိုက်သေးဗျာ။မူးမှချစ်စရာအတော်ကောင်းနေတာကွာ။
"ဟုတ်တယ်အစုတ်ကြီး အိပ်တော့နော်"
"လွန်းငယ်တို့က အစုတ်ကြီးထည့်ထားတာပေါ့ "
"အွန်းပေါ့ ကိုဥဿာကအစုတ်ကြီးလာထားထားတာ"
"ညံ့တယ်"
"ဘယ်လို"
"ဝန် ဆောင် မှု ညံ့တယ်လို့"
ပြန်မေးကြည့်တော့ စိတ်မရှည်စွာတစ်လုံးချင်းကိုပြောပြလာသည့်အာပူကြူးလေး။ ဒါလဲသိသေးတာပဲလား။
"ဈေးလျှော့ပေးကြတာပေါ့နော့ သူ့ TV ကအစုတ်ကြီးလေ"
"အွန်း .."
"အခုတော့အိပ်တော့နော်"
"မအိပ်ပါဘူးဆို ဒီတိုင်းဆိုပြမယ်နားထောင် "
"ဟာ .."
"ထိုင်နေ"
ကိုဥဿာပေးထားသည်က VIP room တွေဖြစ်တာကြောင့်ဆိုဖာလဲပါသလို အခန်းကြီးက ကျယ်လေသည်။ အာပူကြူးကထိုင်ခိုင်း၍ ကွန့်မြူးဆိုဖာပေါ်ထိုင်လိုက်တော့ သူမလေးက ရှေ့တွင်ရပ်နေလေ၏။
"အစမေ့နေတယ် ခဏလေး ဟိုး.."
အော် TV လဲမဖွင့်ရပါဘူးကွာ။ လက်တွေတောင်ကာပြီးတားနေသေးတာ။ ခဏလောက်မိုက်လေးကိုင်ပြီး စဉ်းစားနေရင်းမှ စပ်ဖြဲဖြဲလေးပြန်ဖြစ်လာလေသည်။