True Love 💭❤ အပိုင်း - ၂၇
(Unicode)
ရွှေကူညကစိတ်လေးအနည်းငယ်ပြေသွား၍ ထမင်းစားရန်အောက်သို့ဆင်းလာခဲ့သည့်အချိန်အကိုလေးဂိမ်းဆော့နေတာနှင့်တိုးလေသည်။ ရွှေကူနောက်တွင်ရောက်နေမှန်းမသိသည့်အကိုလေးက မနက်လွန်းငယ်တို့မင်္ဂလာပွဲကိုမသွားချင်ကြောင်း ရှုပ်သည်ဟုသောစကားများကို အကိုလေးသူငယ်ချင်းတွေဆီပြောပြနေတော့သည်။ ရွှေကူကအရူးမကြီးဖြစ်ခဲ့တာထင်ပါသည်။ အကိုလေးကိုရွှေကူ့အပေါ်နားလည်သည် ရွှေကူ့ကိုဂရုစိုက်သည်ဟုသာတွေးထင်ခဲ့မိသည်မှာ မှားသွားခဲ့ပါသည်။
အကိုလေးကပြန်ရောက်လာသည့်နေ့ထဲက ရွှေကူ့ကိုနဲနဲကြမ်းတမ်းစွာဆက်ဆံလာသည်ကိုလဲရွှေကူသတိထားမိပါသည်။ ရွှေကူကချစ်ရသူပါ အကိုလေးဘယ်လိုပြုမူနေပါစေ ရွှေကူ့အချစ်တွေကမပြောင်းလဲဘူးဆိုပေမယ့်လဲ အကိုလေးရဲ့အခုပုံစံကြီးကိုတော့ကြောက်မိပါသည်။ တစ်ဆက်တည်းရွှေကူသိလိုက်ရသည်က ရွှေကူကအကိုလေးတို့အသိုင်းဝိုင်းနှင့်မအပ်ဆက်ဘူးဆိုတာပင်။ လှချင်သည်ကြောင့်ဒေါင်းယောင်ဆောင်မိသလိုဖြစ်သွားသည့်ရွှေကူ့ကို အကိုလေးကအလင်းပြပြီးအိမ်မက်မှနိုးထစေခဲ့သည်မဟုတ်လား။
မခေါ်တော့ပါဘူးအကိုလေးရယ် အကိုလေးမပါလဲဘာဖြစ်လဲ ရွှေကူကနောက်ဆိုတစ်ယောက်ထဲရှင်သန်ရတော့မှာလေ အကိုလေးဘေးမှာမရှိလဲရွှေကူနေနိုင်အောင် အခုထဲကကြိုကျင့်ထားရတော့မှာပေါ့။ ရွှေကူကားနောက်ခန်းတွင် မှန်လေးချ၍ငေးမောရင်းပါလာသည်မှာ နေပြည်တော်ရောက်လို့ရောက်မှန်းမသိသည့်တိုင်ဖြစ်လှသည်။ အကိုလေးရဲ့စကားလုံးတွေက ရွှေကူ့အတွက်အရာရာကိုဂရုမစိုက်မိသည်အထိ စွမ်းဆောင်နိုင်ခဲ့ပါသည်။
"မမ"
"ဟယ်တူလေးရောမပါဘူးလား"
ရွှေကူ့တို့ဆီလွန်းငယ်တို့အတွဲလေးကလာကြိုလေတော့သည်။
"မပါဘူးလွန်းလေးရေ သူ့အပိုင်မမကိုတစ်ခြားလူကလက်ထပ်မယ်ဆိုလို့ စိတ်ဆိုးပြီးကျန်ခဲ့တယ်"
"ဟယ်တော့.."
"အကိုကနိုးနိုးကိုချွေးမတော်မလို့ပဲ အခုတော့ပိုင်ရှင်ကြီးရှိနေပြီဆိုတော့ လက်လျှော့ရတော့မှာပေါ့"
