(Unicode)
True Love 💭❤ (ဇာတ်သိမ်းပိုင်း)
(၅၇)ခမ်းမအတွင်းလှုပ်ယွယွဖြစ်မှုတွေပြီးစီးသွားသည့်အခါ သတိုးသား သတိုးသမီးတို့က ဧည့်သည်များဆီလိုက်၍နှုတ်ဆက်ကြလေတော့သည်။
အကိုလေး၏မိတ်ဖွဲ့နှင့် မေမေ့၏မိတ်ဖွဲ့တွေပေါင်းလိုက်သည့်အခါ အတော်များနေပြီးခန်းမကြီးပြည့်လျှံ၍နေလေတော့သည်။ ခြေထောက်တွေညောင်းအောင်ထိ လိုက်နှုတ်ဆက်ရပြီး စိတ်လေးတောင်ညစ်ရသည်အထိ များပြားနေခဲ့၏။
"ညောင်းလို့လား "
အာပူကြူး၏ မျက်နှာလေးအနည်းငယ်ညိုးသွားသည်ကိုသိသည့်ကွန့်မြူးမှာ ကပ်တိုးလေးမေးလိုက်တော့ ခေါင်းတွေအတင်းငြိမ့်နေလေသည်။
"လာ ဟိုဝိုင်းနှုတ်ဆက်ပြီးရင် ပြန်ထိုင်ရအောင်လို့"
ရွှေကူ့လက်ကိုဆွဲ၍ မမဖြူငယ်ဝိုင်းဆီခေါ်လာလေသည်။
"ကဲ Concon ပါသားကြီးရာ "
အရေးတယူကြီး ဂုဏ်ပြုရမည့်အနေအထားမဟုတ်သည်မို့ ပေါ့ပေါ့ပါးပါးပဲပြောဆိုလိုက်ကြ၏။
"အေးပါကွာ ငါ့ပဲconမနေနဲ့အုံး မင်းတို့လဲယူတော့ကွ"
"ဟ ယူစရာမရှိပါဘူးဆိုအတင်းတောင်လာယူခိုင်းနေတယ် "
သော်ကက ပြောလိုက်သည့်အခါ ခန့်သာနှာခေါင်းရှုံ့လိုက်၏။
"ငါတော့မထင်ဘူးနော်သော်က "
ခန့်သာစကားကြောင့်အားလုံးက သော်ကဆီအကြည့်ရောက်သွားကြ၏။
"ဘာလဲဟ သတင်းထူးလား"
"မာမီတို့ကစီစဉ်မလို့တဲ့ ငါသဘောမတူရသေးဘူး မျှော်လင့်မနေနဲ့ မင်းသူငယ်ချင်းမိန်းမမယူသေးဘူးစိတ်ချ"
ထိုစကားကြောင့် တတ်ကြွနေသည့်သတိုးသားက ဖြောင်းခနဲနေအောင်သော်က၏နောက်ကျောကိုရိုက်လိုက်လေသည်။
"အာ့ .."
"အကိုလေးဘာလို့သွားရိုက်တာလဲ"
"အယ် နဲနဲအားပါသွားတာ Sorry သူငယ်ချင်းရာ ငါကစွံစေချင်လို့ဟ "
"မင်း မင်း ..."
စိတ်ဆိုးရခက် မဆိုးရခက်နှင့်ကျောကြီးအောင့်သွားသည့်သော်ကမှာ ရွှေကူ့ကိုအားနာ၍ပြုံးပဲပြလိုက်ရသည်။ ဒီကောင်တစ်ယောက်ထဲသာဆို အဆဲခံနေရလောက်ပြီလေ။