(Unicode)
"အကိုလေး.. ဘယ်အချိန်ထိလက်ကိုကိုင်ထားအုံးမှာလဲလို့ "
"အဲ့မှာတစ်ထပ်ကြီးရှိသေးတယ်လေကွာ"
လူညစ်ကြီးဟုရွှေကူစိတ်ထဲမှပြောလိုက်ကာ ခန္ဓာကိုယ်လေးကိုလဲအစွမ်းကုန်ကျုံ့ထားမိတော့သည်။ ဘာ့ကြောင့်ဆို အကိုလေးကရွှေကူ့လက်ကိုကိုင်ထားကာ လက်တစ်ဖက်ကလဲပခုံးမှထိန်းကိုင်ဖက်ထားသည်ကြောင့်ပင်။ ရွှေကူ့မှာနီးလွန်းနေသည့်အထိအတွေ့ကြောင့် အကိုလေးကိုလဲပြန်မကြည့်ရဲ တော်ကြာအကိုလေးရဲ့ချောမောလွန်းတဲ့မျက်နှာလေးမြင်ပြီးရွှေကူငေးမိနေမှဖြင့် အခက်တွေ့ရချည်ရဲ့လေ။
"ရွှေကူထိုးတတ်ပြီအကိုလေး ရွှေကူကိုယ့်ဘာသာထိုးလိုက်လို့မရဘူးလား"
"အဲ့လိုလား မရဘူးထင်တယ် ဘာဖြစ်လို့လဲကိုယ့်ကိုစိုးရိမ်လို့လား ရပါတယ်ကိုယ့်လက်ကဒီလိုလေးထပ်ရေးရင်မနာဘူးလေ မစိုးရိမ်နဲ့နော်အဲ့တော့"
ရွှေကူကကိုယ့်ဘာသာစိုးရိမ်မိနေတာကို အကိုလေးကတော့လေစကားကိုပြောလိုက်လျှင် အမြဲကပ်ဖဲ့ပြီးပြောနေပြန်တော့သည်။
"အကိုလေးကလဲ မဇင်မြင်သွားရင်မကောင်းဘူးလေဒီလိုကြီးက "
"ဝင်မလာရဲပါဘူးကွ ဝင်လာခါနီးတံခါးခေါက်ရတယ်လေ ကိုယ်ဝင်ခွင့်မပြုရင်ဘယ်သူမှဝင်မလာဘူးစိတ်ချ"
တစ်ချက်လှည့်ကြည့်၍ ပြန်လှည့်သွားသည့်ကောင်မလေးက နှုတ်ခမ်းလေးဆူနေလေတော့သည်။
"ဟုတ်ပြီ အဲ့တာဆိုလဲပြီးတာပါပဲဗျာ တစ်ယောက်ထဲတဂယ်အဆင်ပြေတာလား "
"အွန်း.. အကိုလေးလက်မှတ်တုရွှေကူထိုးပေးလို့တဂယ်ရရင် အဆင်ပြေပြီ"
မျက်နှာလေးကပြုံးရွှင်လာကာ ကွန့်မြူးကိုလှည့်ကြည့်ပြီး ခေါင်းလေးတွေငြိမ့်ပြ၍ဖြေလာတော့သည်။ ဘာလို့ဒီလောက်ပျော်သွားတာလဲကွာ ကိုယ်နဲ့နီးနေရတာမကြိုက်လို့လားဟုကွေန့်တွေးနေမိတော့သည်။ ရင်ထဲကခံစားချက်လေးကနဲနဲမကောင်းပေမယ့်လဲ ကောင်မလေးကအနားလေးမှာအတူရှိနေပေးသည်မို့လဲ ပြုံးထားမှဖြစ်မည်။