True Love 💭❤ အပိုင်း - ၂၉
(Unicode)
"ကိုယ်ကောင်မလေးကိုရူးလောက်အောင်ထိချစ်လို့ပါကွာ..ချစ်လွန်းလို့ကိုယ်ချုပ်ချယ်မိတာပါ"
ရွှေကူမယုံနိုင်စွာမော့ကြည့်လိုက်တော့ အကိုလေးကရွှေကူ့ကိုငုံကြည့်၍ဆိုလာသည့်စကားမှာ…
"ကောင်မလေးကိုကိုယ်ချစ်တယ်"
ရွှေကူအခုအိမ်မက်မက်နေတာများလား။ အကိုလေးကရွှေကူ့ကိုချစ်တယ်လို့ပြောလိုက်တာလား။ ရွှေကူသိပ်ချစ်ရတဲ့အကိုလေးကရွှေကူ့ကိုချစ်တယ်တဲ့လားရှင်ရယ်…
"အကိုလေး .."
"ကိုယ်လေကောင်မလေးကိုချစ်နေတာကြာပါပြီကွာ ကိုယ်ဖွင့်ပြောဖို့သွေးကြောင်နေမိတာ "
ကွန့်မြူးကောင်မလေးရဲ့ချစ်စဖွယ်မျက်နှာလေးကိုစေ့စေ့ကြည့်၍ပြောလိုက်တော့သည်။ မျက်လုံးဝိုင်းဝိုင်းလေးနှင့်ကြည့်နေသည့်ကောင်မလေးကို ကွန့်မြူးရင်ခွင်ထဲဆွဲဖက်ထားသည်ကြောင့် နီးကပ်လို့နေလေတော့သည်။ ကိုယ်အခုကောင်မလေးကိုဆုံးရှုံးရမှာကြောက်လို့ဖွင့်ပြောမိပေမယ့်လဲ ကိုယ့်လုပ်ရပ်ကြောင့်တဂယ်ကြီးဆုံးရှုံးသွားမှာကိုလဲ ပို၍ကြောက်မိပါသည်။
ရွှေကူအဖို့ပျော်စရာများဖြစ်နေသလို ရွှေကူမမျှော်မှန်းထားသည့်စကားများဖြစ်နေသည်ကြောင့်ရွှေကူအကိုလေးရင်ခွင်ထဲမှအတင်းရှန်းထွက်လိုက်တော့သည်။ ဒီစကားတွေကိုအတည်ဟုတ်မဟုတ် ရွှေကူအတည်ပြုဖို့လိုတယ်မလား။ ရွှေကူ့လက်နှစ်ဖက်ကို ဆွဲယူ၍ဖွဖွလေးဆုတ်ကိုင်ထားသည့်အကိုလေးကြောင့် ရွှေကူရင်တွေတဒိန်းဒိန်းနှင့်ခုန်လာရတော့သည်။
"ကိုယ်ကောင်မလေးကိုစတွေ့တုန်းကသနားနေခဲ့တာ ကောင်မလေးကိုဘေးမှာခေါ်ထားပြီး ဘယ်သူမှထိလို့မရအောင်ထိကိုယ်ကာကွယ်ပေးချင်ခဲ့တာ ကိုယ်မသိခဲ့ဘူးအဲ့တာတွေကအချစ်ဖြစ်ခဲ့မယ်လို့လေ"
ရွှေကူအကိုလေးရဲ့မျက်လုံးများကိုကြည့်ကာ အဖြေရှာနေမိသည်။ရွှေကူ့ကိုတဂယ်ကြီးပဲပြောနေတာလား။ရွှေကူအိမ်မက်မက်နေတာမဟုတ်ဘူးလား။
