True love 💭❤ အပိုင်း - ၃၆
(Unicode)
"ကောင်မလေး ကောင်မလေးလို့"
လက်ကိုအကိုင်မခံ လက်လေးနှစ်ဖက်ကိုပိုက်၍ လမ်းလျှောက်နေသည့်ကောင်မလေးက ကွန့်မြူးကိုစိတ်ဆိုး၍နေလေတော့သည်။ ဂါဝန်ဝဲဝဲလေးနှင့် ခြေလေးစောင့်ကာ အရုပ်မလေးကျလို့ လမ်းလျှောက်နေပုံများ ချစ်စရာကောင်းလိုက်ပါဘိကွာ။
"နောက်တစ်ကားကြည့်ကြမယ်လေကွာနော် "
ရွှေကူကားနားလေးရောက်သည်နှင့် ခြေလှမ်းတွေရပ်ပစ်ကာ နောက်မှအကိုလေးဘက်လှည့်လိုက်ပြီး ခြေလေးစောင့်ချလိုက်တော့သည်။
"ရွှေကူကအဲ့မင်းသားကြိုက်လို့ပါဆိုနေ"
"ဘယ်လို ဘယ်လို.. မင်းသားကြိုက်လို့ဟုတ်လား"
"အွန်း.."
"တိန် ..."
အကိုလေးကနှုတ်မှတိန်ဟုပြောလာသလို လက်ကလဲရွှေကူ့ခေါင်းကိုလာထုလေသည့်အခါ ရွှေကူ့နောက်သို့လန်သွားရပေမယ့် လဲတော့မကျသွားပေ။ အကိုလေးက အသာလေးထုသည်မို့ ရွှေကူနာလဲမနာသွားပေ။
"အဲ့ဇာတ်ကားမပြောနဲ့ အဲ့မင်းသားကားလဲနောက်ဆိုမကြည့်ရတော့ဘူး"
"ဟွန်.."
မျက်လုံးပြုံးလေးများနှင့် ကြည့်လာသည့်ကောင်မလေးက စိတ်ဆိုးနေပုံတော့မရတော့ပေ။ သို့ပေမယ့်လဲ စိတ်ဆိုးနေသူက ကောင်မလေးမဟုတ်တော့ပဲ ကွန့်မြူးတစ်ဖန်ပြန်ဖြစ်သွားပြီဖြစ်တော့သည်။
"ကိုယ်တစ်ယောက်လုံးရှိနေတာကိုအဲ့မင်းသားကိုကြိုက်တယ်လို့ပြောရဲတဲ့သတ္တိလေးကြိုက်တယ်ကွာ"
ရွှေကူ့ကိုခေါင်းစောင်းကြည့်၍ ပြောလာသည့်အကိုလေးက ရွှေကူ့ဘေးလွယ်အိတ်လေးကိုလွယ်ထားကာ ခြေတန်ရှည်တွေနှင့်ကြည့်ကောင်းလွန်းလှသည်။
"ဘယ်လိုလဲ အဲ့မင်းသားနဲ့ကိုယ်နဲ့ဘယ်သူကပိုချောတယ်လို့ထင်လဲ"
"အဲ့မင်းသားကချောတာပေါ့လို့"
"ဟား ..ဟုတ်ရဲ့လားကွာ သေချာကြည့်ပါအုံးကွဒီအနေထား ဒီပုံစံနဲ့ကိုလေ"
