(Unicode)
True Love အပိုင်း - ၅၄"အဟမ်း .."
"အဟွတ် အဟွတ်.."
"သားဘာဖြစ်လို့လဲ အအေးမိလို့လား"
"မဟုတ်ဘူးမာမီ မနေ့ကမြင်မိတာတွေကထူးဆန်းနေတော့ လန့်သလိုဖြစ်နေတာအခုထိ"
ကွန့်မြူးဆီ မျက်စောင်းလှလှလေးတစ်ချက် ဒိုင်းကနဲရောက်လာလေသည်။
"သားဘာမြင်လိုက်လို့လဲ"
"ထူးဆန်းထွေလာပဲ မထင်ထားတဲ့အဖြစ်ပျက်ကြီးမာမီရာ သဲထိတ်ရင်ဖိုဇာတ်ကားကြီးကျလို့"
"ပြောပြစမ်းပါသားရယ် သိချင်လို့"
"ဒါတော့ပြောပြလို့မရဘူးမာမီရ top secret "
"မင်းဟာက မပြောပြပဲနဲ့သိချင်အောင်လာလုပ်နေတယ်"
"ဒယ်ဒီကလဲ top secret ပါဆို"
ရွှေကူရယ်မေမေရယ် ဘဘကြီးရယ် မေမေကြီးရယ် အကိုလေးရယ် ၅ ယောက်သား ဇာတ်ကားကြည့်နေကြသည်ကိုထပြောသည်ကြောင့် ရွှေကူ့မှာမလုံမလဲဖြစ်နေရတော့သည်။ အကိုလေးကတော့ ရွှေကူ့ကိုပြုံးပြုံးကြီးကြည့်၍ လာကလိနေလေသည်။ အန်တီမေတို့သိသွားရင်ရှက်စရာကြီးကို ဟွန်း။
ရွှေကူတို့ TV ကြည့်အပြီး ကိုယ်စီအခန်းပြန်ကြသည့်အခါ အကိုလေးကကပ်တိုးလေးပြောသွားလေသည်။ ဝရံတာကိုလစ်တာနှင့်လာခဲ့ဖို့တဲ့လေ။ ရွှေကူလဲ အိပ်ခန်းဆီရောက်သည်နှင့် ခဏစောင့်၍ ဝရံတာဘက်ကူးလိုက်လာသည်။
"အကိုလေး "
"ကိုကိုလို့ခေါ် "
"မခေါ်ဘူး"
"ဟား .."
ကွန့်မြူးချောင်ပိတ်မေးတာတောင် မခေါ်ဘူးပြန်ပြောသည့်အာပူကြူးလေးက သတ္တိတွေရှိနေတာပေါ့လေ။
"အစောကဘာလုပ်တာလဲပြော တဂယ်ကြီးပြန်ပြောရင်စိတ်ဆိုးပစ်မှာနော်"
"ခင်ဗျားလေးစတဲ့ဇာတ်က ကျွန်တော်မျိုးအတွက်တော်တော်နဲ့အရှိန်မသေဘူးလေဗျာ ဘာတဲ့ကိုက်ချင်တာဆိုတာ "
"အကိုလေးနော်"
"ဟားဟား .."
"တိုးတိုးရယ်ပါ ကြားသွားရင်နှင်ထုတ်ခံနေရမယ်နော်"