မင်းကကိုယ့်အတွက်ပဲဖြစ်ရမယ် သက်တန့်မျှော်စင်။
မင်းသိထားဖို့က သက်တန့်မျှော်စင်ဆိုတဲ့ မိန်းကလေးက ကိုယ့်ရဲ့ပိုင်ဆိုင်မှုတစ်ခုပဲဖြစ်ရမယ်။
မင်းမမေ့ပါနဲ ကိုယ့်ရဲ့ သဝန်တိုတတ်ခြင်းတွေက မင်းကို ကိုယ်ရဲ့အသက်ထက်ပိုပြီး ချစ်မြတ်နိုးလို့ဆိုတာ။
မင်းမမေ့ပါနဲ့ မင်းကို ကိုယ်နှလုံးသားတစ်ခုလုံးနာကျင်နေရတာတောင် ရူးရူးမိုက်မိုက်နဲ့ချစ်ခဲ့တယ်ဆိုတာ။
မင်းဘယ်တော့မှ ကိုယ်ရဲ့အနားကထွက်ပြေးဖို့မကြိုးစားနဲ့ Honey....ကိုယ်မကြိုက်ဘူး။
***********
ရှင်သိလား နန်းဆက်....သက်တန့်က ရှင်တစ်ယောက်ထဲအတွက်ပဲဆိုတာ ရှင်ဘာလို့မသိနိုင်တာလဲ။
ရှင်ကအမြဲတမ်းသံသယတွေနဲ့ပူလောင်နေတတ်တာကို သက်တန့်မုန်းတယ်။
ရှင်မစိုးရိမ်ပါနဲ့နန်းဆက်။သက်တန့်မျှော်စင်က ရှင်ရဲ့ထာဝရပိုင်ဆိုင်မှုတစ်ခုအဖြစ်ရှိနေမှာပါ။
💙💙💙💙💙💙💙
သူမရဲ့မျက်နှာပေါ်သို့ ဖြာကျနေခဲ့သော နံနက်ခင်းနေခြည်နုနု၏နမ်းရှိုက်မှုနှင့်အတူအိမ်မက်အပိုင်းအစများဆီက သက်တန့်လွတ်မြောက်ခွင့်ရခဲ့သည်။သက်တန့်က မျက်နှာပေါ်သို့ဝေ့ဝဲကျနေသောဆံနွယ်လေးများကို သပ်တင်လိုက်ရင်း အိပ်ရာမှထဖို့ကြိုးစားလိုက်သည်။
ပြီးတော့ စဉ်းစားမိ၏။မိမိက ဘာလဲဟု.......။သက်တန့်က ကစဉ့်ကလျားဖြစ်နေခဲ့သော စိတ်အာရုံကို စုစည်းလိုက်ရင်း မိမိက ဘာလဲဟု စဉ်းစားမိလိုက်သောအဖြစ်ကို ဟက်ခနဲ တစ်ချက်ရယ်မိပါ၏။
အိပ်ရာနိုးနိုးချင်း ဟိုဒီလျှောက်ကြည့်ရင်း ကြောင်တောင်တောင်ဖြစ်နေသော ကောင်မလေးတစ်ယောက်က ဟာသတစ်ခုဖြစ်နေခဲ့မှာသေချာသည်။
သက်တန့်၏အခန်းနံရံအပြည့်ရှိနေသောပန်းချီကားတစ်ချို့ကို ကြည့်ပြီးသောအခါပြန်လည်စဉ်းစားမိလာ၏။ဟုတ်သားပဲ .....သက်တန့်က အောင်မြင်ဖို့ကြိုးစားနေတဲ့ ပန်းချီဝါသနာရှင်တစ်ယောက်လေ။
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...