"နောက်ဆုံးတော့ မင်းရောက်လာခဲ့ပြီပဲ သက်တန့်။မင်းသေဖို့ဆုံးဖြတ်ပြီးပြီပေါ့"
"နန်းဆက်ကသက်တန့်ကို တကယ်ပဲမုန်းသွားပြီထင်တယ်။နန်းဆက်ရဲ့အမုန်းတွေကိုမလိုချင်ဘူးဆိုတော့ သေခြင်းကိုလက်ခံလိုက်ဖို့ပဲရှိတာပေါ့ ဦးလေးငယ်"
"ဒါပေါ့......သက်တန့်မျှော်စင်။မင်းကသေဆုံးသွားသင့်တာပဲ"
"ဒါဆို သက်တန့်မသိသေးတဲ့အကြောင်းအရာတွေပြောပြပါ ဦးလေးငယ်"
ဤသို့ဖြင့်ဦးလေးငယ်သည်တစ်ချိန်ကဖြစ်ပျက်ခဲ့သောအဖြစ်အပျက်တစ်ချို့ကို ပြောပြခဲ့ပါ၏။
တစ်ချိန်က စုန်းမျိုးနွယ်စုတစ်ခုရှိခဲ့၏။သူတို့က ရှေးဟောင်းစုန်းတွေရဲ့နောက်ဆုံးလက်ကျန်မျိုးဆက်တွေပေါ့။အဲ့ဒီမျိုးနွယ်တွေက လူသားတွေအပေါ်ရက်စက်ဆိုးသွမ်းပြီး ပြုစားသတ်ဖြတ်ဖို့အတွက်ကိုပဲဆာလောင်နေတတ်ကြသည်။
ထိုကိစ္စတွေကို ကာကွယ်တားဆီးဖို့အတွက်အိမ်မက်မြို့ဆိုပြီးဖြစ်တည်လာခဲ့ခြင်းဖြစ်သည်။စုန်းတွေနေထိုင်ရာနေရာနှင့်လူသားတွေရှိရာကိုအိမ်မက်မြို့တည်၍စည်းတစ်ခုအနေဖြင့်တားဆီးပိတ်ပင်ထားခဲ့သည်။
အိမ်မက်မြို့၏အရှင်သခင်ဖြစ်လာသူသည် ထိုစုန်းမျိုးနွယ်စုက လူသားများကိုဒုက္ခမပေးနိုင်စေရန်တာဝန်ယူရ၏။ထိုကိစ္စသည် အိမ်မက်မြို့အရှင်သခင်အဆက်ဆက်၏တာဝန်ဖြစ်ခဲ့သည်။အိမ်မက်မြို့နှင့်စုန်းမျိုးနွယ်စုတို့နေထိုင်ရာလွင်ပြင်၏ကြားတွင်သစ်တောတစ်ခုဖြင့်ခြားနားထားသည်။
စုန်းမျိုးနွယ်စုတွေသည် ဝင်္ကပါသစ်တော၏တစ်ဖက်ခြမ်းရှိလွင်ပြင်တွင်သာနေထိုင်ဖို့အိမ်မက်မြို့အရှင်သခင်တို့ကဆုံးဖြတ်ခဲ့၏။စုန်းများသည် ဝင်္ကပါသစ်တောကိုဖြတ်ကျော်၍သွားခွင့်မရှိပါ။
သစ်တောတစ်ခုလုံးတွင် အသက်ဝင်လျှက်ရှိသောသစ်ပင်များဖြင့်ပြည့်နှက်နေခဲ့ပြီး ခွင့်ပြုချက်မရှိပဲစုန်းတစ်ယောက်ဖြတ်သန်းမိလျှင် ထိုစုန်းကိုသစ်တောကဝါးမြိုဖျက်ဆီးပစ်လေ့ရှိ၏။
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
