သက်တန့်ပြန်လည်၍နေကောင်းလာသောအခါ နန်းဆက်က သူမ၏နှိပ်စက်ခြင်းလုပ်ငန်းကိုပြန်စတင်ခဲ့ပါသည်။နန်းဆက်က သက်တန့်ကို အရာရာတွင် စိတ်တိုင်းမကျပဲရှိ၏။
"အဆင်မပြေဘူး ကလေးမ။မင်းရဲ့ ညံ့ဖျင်းမှုအတွက် ကိုယ့်ကိုအပြစ်မတင်ဖို့ မျှော်လင့်တယ်"
ထိုသို့ပြောရင်း သက်တန့်ကို အခန်းတစ်ခုထဲသို့ခေါ်သွားခဲ့သည်။ထိုအခန်းက တိတ်ဆိတ်ငြိမ်သက်လွန်းနေသည်။အခန်းတစ်ခုလုံးရှိ နံရံများက အဖြူရောင်ဖြစ်သည်။အခန်း၏အလယ်တွင်လိုအပ်သောပစ္စည်းများစွာကို ပြင်ဆင်ပေးထားသည်။
"မင်းရေးဆွဲမယ်ဆိုတဲ့အရာတွေကို ဒီနေရာမှာ ကြိုးစားကြည့်ပါ"
"ဒီနေရာကြီးက မုန်းစရာကောင်းလိုက်တာ"
"ဒါပေါ့။ဒီနေရာမှာ မင်းသိပ်ကြောက်တဲ့ တိတ်ဆိတ်ခြင်းတွေပဲရှိလိမ့်မယ်။မင်းက ဘယ်လိုအသံမျိုးကိုမှ ကြားရမှာမဟုတ်ဘူး။နောက်ဆုံး မင်းနှစ်သက်တဲ့ သီချင်းတွေကိုတောင် နားထောင်ခွင့်မရှိဘူး"
"သက်တန့် လုပ်နိုင်မှာ မဟုတ်ဘူး နန်းဆက်"
"မင်း လက်မှတ်ထိုးထားတဲ့ သဘောတူစာချုပ်ကို မမေ့ပါနဲ့ ။ဒီအခန်းထဲမှာ မင်းရဲ့အလုပ်ကို ပြီးအောင်လုပ်ပါ။အလုပ်မပြီးမချင်း မင်းက ဒီအခန်းရဲ့ အပြင်ကို မထွက်ရဘူး။မင်းအတွက် လိုအပ်မယ့်အရာအားလုံးကို သူ့အချိန်နဲ့သူ လာပို့ပေးမယ်။"
"သက်တန့် မလုပ်နိုင်ဘူး။ဒီအခန်းက တိတ်ဆိတ်လွန်းတယ်။အဲ့ဒါကို မုန်းတယ်"
"မင်းလုပ်ရလိမ့်မယ်။မင်းရဲ့အိမ်မက်တွေကို မမေ့ပါနဲ့။ဒီနေရာမှာမင်းအတွက် တစ်ပတ်အချိန်ရမယ်။တစ်ပတ်ပြည့်လို့ ကိုယ်လာရင် မင်းရဲ့ အလုပ်ပြီးနေတာကိုပဲ မြင်ချင်တယ် ကလေးမ"
နန်းဆက်က သူပြောလိုသမျှတွေကို ပြောပြီးသောအခါ သက်တန့်ကိုနေခဲ့ရန်ပြောပြီး အပြင်မှတံခါးကို သော့ခတ်လိုက်သည်။နန်းဆက်က သက်တန့်ကို တိတ်ဆိတ်ငြိမ်သက်လွန်းနေသော အခန်းတစ်ခုထဲတွင် တစ်ယောက်ထဲထားခဲ့သည်။သက်တန့် ကြမ်းပြင်ပေါ်သို့ ခြေပစ်လက်ပစ် ထိုင်ချရင်း စိတ်ပျက်လက်ပျက်ဖြစ်သွားခဲ့၏။
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
