နန်းဆက်သည်စိတ်ရှုပ်ထွေးနေခဲ့သည့်အတွက် ဒိုင်ခွက်၌ပြနေသည့် ကီလိုမီတာ၁၆၀ကျော်နေပြီဖြစ်သောကား၏အရှိန်ကိုသတိမထားမိခဲ့ပါ။
"ကားကိုအရှိန်လျှော့ဦး နန်းဆက်"
သက်တန့်သတိပေးသောအခါမှနန်းဆက်သတိပြန်ဝင်လာခဲ့သည်။ထိုအခါမှ လီဗာကိုဖိနင်းထားသောနန်းဆက်၏ခြေထောက်ကိုပြန်လျှော့လိုက်သောအခါအရှိန်သည်၁၀၀အောက်ပြန်ကျသွားသည်။
"Sorry......Honey.....ကိုယ်ရဲ့စိတ်တွေနည်းနည်းရှုပ်ထွေးသွားလို့ပါ"
"စိတ်ရှုပ်နေရင်ကားကိုရပ်လိုက်ပါ နန်းဆက်။သက်တန့် မောင်းပေးမယ်"
နန်းဆက်သည်သက်တန့်၏စကားကိုနာခံ၍ကားကိုရပ်တန့်လိုက်ပါသည်။မိမိရဲ့အခြေအနေကသိပ်မဟန်ဘူးဆိုတာ နန်းဆက်ကိုယ့်ကိုယ်ကိုသိနေတာပဲ။သက်တန့်သည်ကားမောင်းနေရင်းမှ မိမိဘေးနားတွင်ငြိမ်သက်တိတ်ဆိတ်နေသောနန်းဆက်အားကြည့်ရင်းမေးမြန်းလိုက်ပါ၏။
"ဦးလေးငယ်နဲ့ပြောနေခဲ့တဲ့အကြောင်းကို သက်တန့်နားလည်အောင်ရှင်းမပြချင်ဘူးလား နန်းဆက်"
ဦးလေးငယ်နှင့်ပြောခဲ့သောအကြောင်းကို သက်တန့်ကထပ်မံမေးဖို့ကြိုးစားနေပြန်သဖြင့် နန်းဆက် စိတ်လေသွားရသည်။'မင်းကိုယ့်ကို ဒုက္ခပေးဖို့များ ကြိုးစားနေသလား ကလေးမရယ်'ဟု နန်းဆက်စိတ်ထဲကတွေးနေမိသည်။သက်တန့်၏မေးမြန်းမှုကိုနန်းဆက် တားဆီးလိုက်ပါသည်။
"အဲ့ဒီအကြောင်းကိုကိုယ်တို့ထပ်မပြောပဲနေကြရအောင် Honey"
"ဒါပေမယ့် သက်တန့်သိချင်တယ်။သက်တန့်ကြောင့်နန်းဆက်နာကျင်ရတယ်ဆိုတာဘာလဲ။သက်တန့်ကနန်းဆက်အတွက်ဒုက္ခတစ်ခုဖြစ်နေခဲ့သလား"
"ကိုယ်ဘာမှမဖြစ်ဘူးလို့"
"သက်တန့်ကြောင့် ရှင်ထိခိုက်ရတာလား။နန်းဆက်....ဖြေပါဦး"
"မဟုတ်ဘူးHoney...။ကိုယ့်ကိုထိခိုက်အောင် မင်းမလုပ်ပါဘူး။ကိုယ့်ကိုချစ်တယ်ဆိုရင်ဖြေရခက်တဲ့မေးခွန်းတွေထပ်မေးဖို့မကြိုးစားပါနဲ့ကွာ"
နန်းဆက်၏စကားကြောင့် သက်တန့်ငြိမ်သက်သွားခဲ့ပါသည်။ထိုစဉ်တွင်နန်းဆက်ပြောလာသောစကားကဤသို့ဖြစ်သည်။
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
