“မင်းရဲ့အနေအထားနဲ့ဘာမှလုပ်နိုင်မှာမဟုတ်ဘူး။ပထမဆုံးမျှော်စင်ကငါ့လက်ထဲကိုရောက်လာလိမ့်မယ်။ပြီးတော့အဲ့ဒီမှာချုပ်နှောင်ခံထားရသူအားလုံးလွတ်မြောက်စေရမယ်.........နန်းဆက်ထည်ဝါ"
"မင်းက သိပ်ပြီးစိတ်ကူးယဉ်လွန်းတာပဲ။မင်းဆန္ဒအတိုင်းဖြစ်သွားစေဖို့ ငါကခွင့်ပြုပေးလိမ့်မယ်ထင်သလားဇိန်း။မမျှော်လင့်နဲ့"
"ဒါကမျှော်လင့်ရုံကိစ္စမဟုတ်ဘူး။လက်တွေ့အကောင်အထည်ဖော်တော့မှာ။ငါဘာလုပ်နိုင်သလဲဆိုတာနမူနာလေးပြပေးရတာပေါ့"
ဇိန်းသည်သူ၏လက်ဖဝါးကိုဖြန့်လိုက်သည်။ထို့နောက် မန္တာန်တစ်ခုကိုရွတ်ဆို၍ လက်ဖဝါးကိုဆုပ်ချေလိုက်သောအခါ နန်းဆက်သည်ထိုနေရာတွင်ဒူးထောက်ကျသွားသည်အထိ နာကျင်ခံစားလိုက်ရသည်။
"မင်းကိုဖျက်ဆီးပစ်လိုက်ဖို့အင်အားတွေ ငါ့မှာလုံလုံလောက်လောက်ရှိနေပြီ။မင်းငါ့ကို တားဆီးနိုင်မှာမဟုတ်ဘူး နန်းဆက်ထည်ဝါ"
"ဘာ့ကြောင့်လဲဇိန်း။မင်းက ဘာကြောင့်ဒီလောက်အထိ အင်အားကြီးလာရတာလဲ"
"ငါ့ကိုအင်အားကြီးစေဖို့ကူညီပေးနေတာ မင်းကိုယ်တိုင်ပါပဲ"
"ဘာကိုဆိုလိုတာလဲ"
"အဲ့ဒီသစ်ပင်ကိုမင်းရဲ့သွေးတွေတိုက်လိုက်တိုင်း သက်တန့်အသက်ဆက်ရှင်နိုင်သလို ငါ့ကိုလည်းစွမ်းအားတွေပိုင်ဆိုင်စေတယ်လေ"
"မင်း......မင်း........"
"မင်းမသိတာလား.......တုံးလိုက်တာ နန်းဆက်ထည်ဝါ။ငါကအကျိုးအမြတ်မရှိဘဲ ဘာကိုမှမလုပ်တတ်ဘူးဆိုတာ မင်းမသိတာညံ့ဖျင်းလွန်းတာပေါ့"
"မင်းသိပ်ယုတ်မာတယ်ဇိန်း။ဟုတ်တယ်.....မင်းအကြောင်းသိရဲ့သားနဲ့ခံလိုက်ရတာ ငါညံ့ဖျင်းလွန်းလို့"
"သနားစရာ နန်းဆက်ထည်ဝါပါလား။ငါ့ရဲ့ရည်ရွယ်ချက်တွေပြည့်ဝလာတဲ့အခါ မင်းဂရုစိုက်စောင့်ရှောက်ခဲ့သမျှအရာရာကပျက်ဆီးသွားမှာ။အဲ့ဒါကို မင်းရဲ့မျက်လုံးတွေနဲ့သေချာမြင်တွေ့စေဖို့ငါကြိုးစားပေးမယ်"
"ငါက မင်းလုပ်ရပ်ကိုရအောင်တားဆီးမှာဇိန်း"
"လွယ်မယ်ထင်ရင်ကြိုးစားကြည့်ပေါ့ နန်းဆက်ထည်ဝါ"
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
