"သက်တန့်ကားယူသွားပြီလား ထည်ဝါ"
"အင်း......"
"ဒါဆို သူမကိုစောင့်ကြည့်လို့ရပြီပေါ့။ဟန်သာ့ကိုခိုင်းထားပြီးပြီလား"
"ခိုင်းထားတယ် ဦးလေးငယ်"
"သက်တန့်ကိုသေချာဂရုစိုက်မှဖြစ်လိမ့်မယ်။သူမက အန္တရာယ်သိပ်များလို့"
နန်းဆက်ကဦးလေးငယ်၏စကားကိုခေါင်းညိတ်၍ထောက်ခံလိုက်သည်။ထို့နောက်စားပွဲပေါ်ရှိစာအုပ်ကိုယူလိုက်သည်။နန်းဆက်က သူမ၏လက်တွင်ဝတ်ဆင်ထားသော လက်စွပ်ရှိအနက်ရောင်ကျောက်အား လက်ထဲတွင်ကိုင်ထားသော စာအုပ်အဖုံးပေါ်သို့ဖိကပ်လိုက်ပါသည်။
ထိုခဏတွင်အလင်းတန်းအချို့နှင့်အတူ စာအုပ်ပွင့်သွားခဲ့ပါ၏။နန်းဆက်က လက်စွပ်ဝတ်ဆင်ထားသောလက်ဖြင့် စာမျက်နှာတစ်ရွက်ချင်းစီတွင် ဝှေ့ရမ်းလိုက်ရာ စာမျက်နှာတိုင်းတွင် ပုံရိပ်တစ်ချို့ပေါ်လာခဲ့သည်။
နန်းဆက်၏မျက်နှာတွင် ထိုအရာကို အံ့အားသင့်ဟန်မပြပါ။ဒါပေါ့.....အဲ့ဒီအရာတွေအားလုံးက နန်းဆက် စီမံထားသောအရာတွေပဲလေ။
"အလုပ်လုပ်စရာတွေရှိလာပြီပဲ ထည်ဝါ"
"ဟုတ်တယ် ဦးလေးငယ်။အဖွဲ့သားတွေဆီအလုပ်လုပ်ဖို့အဲ့ဒီပုံရိပ်တွေပို့ရဦးမယ်။ဒီဖြစ်စဉ်ကို သက်တန့်သာသိရင် သိပ်ခံစားရရှာမှာ။သူမရဲ့မျိုးနွယ်တွေအဆုံးသတ်ကို သူမကိုယ်တိုင်ဆောင်ယူလာပေးမိလို့ နောင်တရနေမလား။ဒီဖြစ်စဉ်ကိုဖန်တီးခဲ့တဲ့ထည်ဝါ့ကိုမုန်းတီးသွားမလား။အရာရာကမသေချာဘူး"
"အရာရာအတွက်မင်းက အသင့်ဖြစ်နေပြီမဟုတ်လား"
"မသေချာဘူး ဦးလေးငယ်။သက်တန့်ကို စိတ်ပူတယ်။သူမကိုအဲ့ဒီအရာနဲ့မဆက်သွယ်မိအောင်တားဆီးနိုင်ပါ့မလားမသိဘူး"
"မင်း ကြိုးစားရမှာပေါ့ ထည်ဝါ။မဟုတ်ရင်သူမဘာဖြစ်သွားနိုင်သလဲ မင်းသိပါတယ်"
"မဖြစ်ရဘူး။သက်တန့်ကိုထည်ဝါ ကာကွယ်မယ်"
"ဘယ်လိုနည်းလမ်းနဲ့ ကြိုးစားမလို့လဲ ထည်ဝါ"
"နောက်ဆုံးပုံရိပ်မဆွဲဖြစ်အောင်လုပ်မယ်။သက်တန့်က နောက်ဆုံးပုံရိပ်မဆွဲနိုင်ဘူးဆိုရင်......."
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
