သက်တန့်သည် ကားမောင်းနေရင်း မိမိ၏ဘေးနားတွင်ငြိမ်သက်နေခဲ့သောနန်းဆက်လှမ်းကြည့်မိ၏။သက်တန့်၏လုပ်ရပ်ကြောင့် နန်းဆက်ကိုနာကျင်စေခဲ့သဖြင့်အကြီးအကျယ်နောင်တရနေမိသည်။
သက်တန့်မသိခဲ့သောကိစ္စတစ်ချို့ကြောင့် သက်တန့်အမှားများစွာကိုကျူးလွန်မိသောအခါ ထိုအရာအတွက် ဖြေဆေးမရှိခဲ့ပါ။ယခုလည်းနန်းဆက်ကိုပေးထားသောကတိအားချိုးဖောက်မိပြန်ပြီဖြစ်၏။
နန်းဆက်နိုးလာသောအခါတွင် သက်တန့်ကိုဘယ်လိုစီရင်မလဲဆိုတာကို သက်တန့်မတွေးရဲပါ။ဒါပေမယ့်နန်းဆက်ကိုလိုအပ်လွန်းလို့ပါဟုသက်တန့်တစ်ယောက်ထဲပြောနေမိသည်။နန်းဆက်ရဲ့စီရင်ခြင်းကိုသက်တန့်လက်ခံလိုက်ဖို့သတ္တိမွေးထားလိုက်မိတော့သည်။
အိမ်သို့ပြန်ရောက်သောအခါ ဟန်သာ၏အကူအညီဖြင့်နန်းဆက်ကိုအိပ်ရာထဲ၌အသာအယာချထားလိုက်ရင်း သူမကိုသက်တန့်ထိုင်ကြည့်နေမိသည်။နန်းဆက် ဘယ်အချိန်နိုးလာမလဲဟု စောင့်စားရင်း သက်တန့်သည် အတွေးများစွာဖြင့်ခြောက်ခြားနေခဲ့၏။
နန်းဆက်၏လက်ကိုဆုပ်ကိုင်ရင်းငြိမ်သက်စွာဖြင့်သက်တန့်ကြည့်နေခဲ့စဉ်၌ နန်းဆက်၏ခန္ဓာကိုယ်မှလှုပ်ရှားမှုကိုမြင်တွေ့ရချိန်တွင် သက်တန့်၏ခံစားချက်တို့သည်.......။
နန်းဆက်သည် နိုးနိုးချင်း၌ အရာရာကိုချက်ချင်းသဘောပေါက်သွားလျှက် သက်တန့်ဆုပ်ကိုင်ထားသောသူမ၏လက်ကိုရုန်းထွက်လိုက်သည်။ပြီးတော့ သူမကလေသံမာမာဖြင့် သက်တန့်ကိုမေးမြန်းခဲ့သည်။
"မင်းဘာလုပ်လိုက်တာလဲ။ကိုယ်တားမြစ်ခဲ့တဲ့အရာကို မင်းက......"
"သက်တန့် ရှင့်ကိုပြန်လိုချင်လွန်းလို့ပါ"
"အဲ့ဒါနဲ့ပဲ ကိုယ့်ကိုပေးထားတဲ့ကတိဖျက်ခဲ့တယ်ဆိုပါတော့"
"နန်းဆက်...."
သက်တန့်က နန်းဆက်ကိုပွေ့ဖက်ဖို့ကြိုးစားသောအခါ နန်းဆက်ရှောင်တိမ်းဖို့ကြိုးစားခဲ့သည်။
"ကိုယ့်ကို မထိနဲ့.....မင်းက ကိုယ်အကြောက်ဆုံးဖြစ်စဉ်ကို ဆင့်ခေါ်ခဲ့တာပဲ။မင်းကို အဲ့ဒီအရာနဲ့မတွေ့စေဖို့ ကိုယ်ဘယ်လောက်ကြိုးစားခဲ့ရသလဲမင်းသိလား....."
YOU ARE READING
LET ME OWN YOU.....!!RAINBOW TOWER
Fantasy(Complete) ပိုင်ဆိုင်ခွင့်ပြုပါသက်တန့်မျှော်စင် 💗💗💗💗💗💗💗 နန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးစုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်...
