STASG (Rewritten)

Kabanata LXIII

"Mostly, I hate the way I don't hate you. Not even close, not even a little bit, not even at all."

✄ ✄ ✄ ✄ ✄ ✄ ✄ ✄ ✄ ✄

Tumigil ako sa paglalakad nang malapit na ako sa gate namin. Panigurado ay makaka tanggap ako ng maraming tanong kapag nakita ako nina Ate Sky. At ayoko 'yun, gusto ko pag pasok ko sa bahay, diretso ako sa kwarto at doon na ako buong mag hapon. Sinisipon na ako at nararamdaman kong namamaga ang mga mata ko. Unang tingin ng kahit sino ay malalaman kaagad na umiyak ako.

Sumilip ako mula sa gilid ng gate namin at naka hinga ng maluwag nang makitang wala ang sasakyan ni Ate Sky sa garahe. Kaya naman pala hindi ito nag tatanong kung nasaan ako, hindi niya pala alam na ngayon palang ako uuwi.

Pinunasan ko 'yung ilong ko at mata bago buksan 'yung gate. Agad na tumahol si Whitey nang makita ako ngunit naka kulong siya kaya naman hindi siya maka punta saakin. Nakita kong bumukas 'yung kurtina sa sala at sumilip si Von. Napa mura ako nang makita si Jared na naka upo sa couch. Naka limutan kong andito nga din pala siya.

Hindi pa ako nakaka lapit sa terrace ay naka labas na si Von para salubungin ako. "Anong nangyari sa'yo? Ba't namamaga 'yang mata mo? Ha? Sinaktan ka ba ng gagong 'yon?"

"Von please," napa pikit ako at ngayon ko lang naramdaman ang lahat ng pagod ko mula kahapon. "Ayokong pag-usapan."

"Sinaktan ka ba?" Wala na ang galit sa boses ni Von at puno nalamang 'to ng pag aalala.

Binigyan ko siya ng isang maliit na ngiti bago ako umiling, "Ma-drama lang talaga ako."

"Nag away kayo?"

Nag kibit balikat ako, "Assumera kasi ang pinsan mo." Sabay nilagpasan ko na siya at nag dire-diretso sa loob ng bahay.

Napatigil ako nang makita ko si Jared. Wala siyang sinasabi pero naka tingin siyang mabuti sa mukha ko. Binigyan ko siya ng isang tango bago ko siya nilagpasan para pumunta sa kwarto ko. Kailangan ko ng isang hot shower, nagsisimula nang sumakit ang ulo ko.

Pumasok ako sa banyo at agad na tinanggal ang basang damit ko at inilagay ito sa lababo. Binuksan ko na 'yung shower at pumailalim sa mainit na tubig. Napa hinga ako ng malalim ng bumalot ang mainit na tubig sa katawan ko. Pumikit ako at bigla nalamang nag replay sa utak ko ang mga nangyari kanina. Napa kagat ako sa ibabang labi ko nang manikip nanaman ang dibdib ko. Ayoko ng umiyak, pagod na ako. Pero hindi ko na napigilan ang mga luhang tumakas sa gilid ng mga mata ko. Napa takip ako sa bibig ko nang naglabas ako ng isang malakas na hikbi. 'Wag sana nila marinig na umiiyak ako, please.

"Ang gago mo naman kasi Asher e.." Marahas kong pinunasan ang mga luha ko pero ayaw nanaman nitong tumigil. Napa upo ako sa sahig at napalakas na ang iyak ko. Diyos ko, maririnig ka nila Von, Adrianna! Tumahan ka na... Itinayo ko ang sarili ko, "Tama na, tama na. Okay ka lang Adrian. Kaya mo 'yan.." Baka isipin ng iba may relasyon tayo. Nabasag nanaman ang boses ko at tinakpan ko nanaman ang bibig ko.

Napatalon ako ng may kumatok sa pinto ng banyo ko. Pinilit kong itigil ang pag iyak ko pero tumataas baba parin ang mga balikat ko.

"Adrianna?" Umalingawngaw sa buong banyo ang malalim ang malambot na boses ni Jared.

"Okay lang ako Jared," sabi ko sakanya ngunit galing sa ilong ang boses ko.