STASG (Rewritten)

Kabanata LXXIII

"Fall in love when you're ready, not when you're lonely."

✄ ✄ ✄ ✄ ✄ ✄ ✄ ✄ ✄ ✄

Mas lalong nag improve ang pagtugtog nina Angelo at halata naman sa mga sigawan at palakpakan ng mga manonood na nag enjoy sila sa performance na inihain sakanila. Nag celebrate kami pagka tapos at nagawa pa naming mag karaoke kaya naman halos alas tres na kami natapos. Sakto naman ay hindi pa umuuwi si Von at Ate Sky nun dahil kasama din nila ang mga kaibigan nila. Nung nagka kita kita kami, sabay sabay na kaming umuwi.

Hanggang mamayang gabi daw ay nasa syudad sina Chance. Gusto nilang lumabas ngunit 'di na ako makaka sama dahil ayaw na akong palabasin ni Ate, magpahinga lang daw ako dahil may pasok na ako bukas.

Lahat ng tao sa bahay, pwera kay Tita Linda ay tanghali ng gumising. Mga bangag kami kaya naman tahimik ang bahay. Ni hindi ako pinagalitan nung chineck ko 'yung phone ko habang nag ta-tanghalian. May text ako galing kay Ethel at Jared at isang missed call kay Kiko. Inuna ko na 'yung kay Ethel.

From: Ethlog

Kwentooooooooo

received 9:58am

Nangunot ang noo ko at sumubo na muna ng ulam bago mag reply.

To: Ethlog

slr. halos kakagising ko lang. ano yun?

sent 1:24pm

Hindi ganun kabilis ang reply niya. Siguro ay busy at ngayon lang nakita dahil tapos na akong kumain nung nag vibrate ang phone ko.

From: Ethlog

Anyare sainyo ni red? Parang may something daw kayo sabi ni angelo

received 1:36pm

Bumilis ang tibok ng puso ko at nanginginig ang mga kamay ko habang nag t-type ng reply.

To: Ethlog

promise mo muna na wala kang pag kukwentohan

sent 1:37pm

"Adrian," sabi ni Ate Sky mula sa lababo kaya naman napatingin ako sakanya.

"Po?"

"Dalhin mo na 'yang pinag kanan mo dito ta's hugasan mo na din lahat," utos niya. "Mamaya ka na mag cellphone."

Si Von na naka tayo sa may ref ay nagsalita. "Ako na ate," aniya.

"Hindi," sagot ni Ate. "Si Adrian maghuhugas. Itapon mo na 'yung basura at puno na."

Ikaw ate, anong gagawin mo? Gusto kong itanong habang tumatayo mula sa kinauupuan ko para gawin 'yung iniutos niya. Nagka tinginan kami ni Von at alam kong parehas kami ni iniisip kaya naman napa ngiti at napa iling nalang ako.

Okay na din, excuse na din 'to para hindi kaagad replyan si Ethel.

Reply.. Napa tigil ako sa pag aanlaw ng plato na hawak hawak ko. Nag-text nga pala si Jared. Ano naman ang itinext niya? Hello? Goodmorning? Or iba? Binilisan ko na ang pagtapos sa ginagawa ko nang maisip ko 'yun.