LOVE WITHOUT LIMITS

CHAPTER SEVEN

WARNING: CONTAINS MATURED SCENES AND EFFECTS

MATAPOS ang dinner ay inihatid ako ni Maxwell sa VIP room. Gusto kong manibago, parang hindi na kasi parte ng hotel ang kwartong iyon. Kung kwarto nga bang matatawag. Dahil kung ako ang tatanungin ay condominium style na iyon. May sariling kitchen, dining area at sala. Nakakabilib ang katamtamang laki at magarbo ngunit simpleng dekorasyon sa kabuuan ng kwarto. Pakiramdam ko tuloy ay napakahabang panahon na ang lumipas mula nang huli akong bumisita dito dahil sa mga nakikita kong pagbabago. Kahit na ang totoo ay hindi naman. Sadyang mayaman at makapangyarihan lang ang mga Moon kaya ang lahat ng gusto ay nasusunod at naaayon sa kanilang plano.

Pero kahit anong ganda at paghanga ang maramdaman ko sa paligid, parating inaagaw ng panganay na del Valle ang paningin ko. Hindi maalis sa akin ang tuwa at ngiti. Paano'y ipinagbuhat ako ng loko. Nakakaasar nga lang dahil napaka-sexy pa rin ng dating niya habang naghihila ng maleta. Kahit yata ipatong niya iyon sa mga balikat ay bagay sa kaniya. Hindi ko naiwasang mapaisip kung may bagay bang hindi babagay sa mga Moon. Dahil sa nakikita ko ngayon, mukhang imposibleng meron.

"I don't really need a room this big," magkakrus na ang mga braso ko nang harapin siya. Pinanood ko siyang ipasok sa silid ang mga gamit ko. Bigla ay napangisi ako. "Please pakilagay na lang ang mga gamit ko sa side ng bed." Itinuro ko kunyari ang gawing iyon, nang-aasar.

Awtomatiko siyang nahinto at bumitiw sa mga maleta. Humalakhak ako, lalo pang nang-aasar. Namaywang siya at marahang naglakad papalapit sa akin. Halos masinghot ko ang hininga niya nang lumapit siya nang sobrang lapit. Kaswal lang naman sana iyon kung hindi niya hinawakan ang magkabilang balikat ko at minasahe nang pagkasarap-sarap iyon. Hindi pa nakontento ang loko, inilantad nang todo ang balat ko. Para akong naliyo sa sarap, tumingala nang nakapikit at ninamnam ang masarap na pakiramdam. Mas nagpatakam ang loko nang mainam niyang haplusin ang balat ko. Hindi lang yata talento ang meron ang mga Moon. Meron din silang kuryente. Oo. Kuryenteng dumadaloy sa katawan. Dahil iyon ang ipinararamdam sa akin ni Maxwell ngayon.

"Ang galing mo diyan," sabi ko nang nakapikit, muling nang-aasar. Ayaw kong ipakita sa kaniya ang panghihinang idinudulot niya. "Bakit hindi mo ito gawing sideline?"

Pero sa halip na patulan ako ng salita ay sa kilos siya gumanti. Hindi lang kilabot ang idinulot ng magagaling na kamay ng panganay na del Valle. Hindi lang tuhod kundi ang buong katawan ko ang nanlambot. At wala pa man ay binabalot na ako ng kakaibang pakiramdam. Kung bakit malamig naman pero parang namumuo na ang mga pawis ko. Napamulat ako nang dampian niya ng halik ang buto sa itaas na bahagi ng dibdib ko.

"How about...tell me which part of you I should touch first?" Sinasabi niya iyon nang mapungay ang mga mata at nakatingin sa aking labi. Mukhang hindi lang ako ang naliliyo. "Using my starved lips."

Kinilabutan ang kabuuan ko. Naiisip ko palang ang sinasabi niya ay iba na ang epekto. Dumagdag pa ang kaniyang boses na may hipnotismo at mga haplos niyang nakakaloko.

He loves what he's doing, it is showing through! I love how I can see it in his eyes, how I can feel it in his hands. And it's really turning me on. Maging ang mapupungay niyang mga mata ay lalo akong pinanghihina. Nasisiguro kong alam ko kung ano ang nararamdaman niya ngayon dahil sa nababasa ko doon.

"Naiisip ko palang na paparating ka ay hindi na ako mapakali. I wonder why..." Gumapang ang mga palad niya paibaba sa mga siko ko hanggang sa marating ng mga iyon ang aking baywang. Napaigtad ako nang maramdaman ang iilang daliri niya sa balat ko sa likuran. Nagtama ang mga paningin naming hindi na magmulat nang ayos. "You smell so good."

Nangunot ang kaniyang noo habang ang paningin ay nasa panga ko. Napalunok ako nang marahan siyang lumapit at simulang halikan ako. Magmula sa aking tainga, kung nasaan ang kahinaan ko, napapikit na ako nang tuluyan. Ang kigwa, wala man lang yatang balak na pagpahingahin ako. Hindi lang gutom, takam na takam at naglalaway pa.