LOVE WITHOUT LIMITS

CHAPTER 54

CHAPTER WHATEVER

NAKAGAT KO ang labi ko nang mapatitig sa gwapong mukha ni Maxwell matapos niyang maligo. Dumeretso siya sa harap ng vanity mirror at saka doon tinuyo ang sariling buhok.

Mas dumiin ang pagkakakagat ko sa labi ko nang masulyapan ang likuran niya. Napapikit ako nang maalala kung paano niyang hinigop ang talaba, sa paraang sarap na sarap siya. Nagdulot ng kung anong pakiramdam ang isiping 'yon na tila kuryenteng mabilis na gumapang sa katawan ko. Ramdam na ramdam ko 'yon.

"What?" hindi ko inaasahang tanong niya. Nakatingin na siya sa 'kin mula sa salamin.

Tumaas ang kilay ko. "What?" mataray kong tugon.

"You're staring," ngisi niya, nagmamalaki. Saka binasa ang kaniyang labi.

Napairap ako sa pagkapahiya. Sa inis ay bumangon ako. "I want to blow."

Nakita ko siyang matigilan, ang mga kamay ay may hawak na towel na kasalukuyang naroon sa kaniyang buhok. Mula sa salamin ay tinitigan ko ang tiyan niyang mukhang paborito ko na ring hawakan.

"Baby..." agad na bulong niya nang makalapit ako.

Nakita ko nang sulyapan niya ang suot ko, itim na undies, puti at manipis na sando. Ini-stretch ko pataas ang parehong kamay ko saka nakapikit na itinangala ang mukha ko. Nang magmulat ay nagtama ang aming paningin.

Bahagya kong inawang ang aking labi saka ko hinawakan ang kaniyang dibdib. Ang libre kong kamay ay pinagapang ko mula sa aking dibdib, papunta sa aking leeg hanggang sa aking batok.

"I want to blow," mahina at nanghihina kong sinabi saka ko marahang kinagat ang aking labi.

Nakita ko nang umawang ang kaniyang labi, nasisiguro kong gano'n kabilis siyang naapektuhan sa sinabi ko.

Saka ko marahang inalis ang pagkakatali ng buhok ko at maarteng iwinagayway iyon. "Basang basa pa kasi ang buhok ko,"kapagkuwa'y dagdag ko, marahang nagbaba ng tingin sa trono. "Baka sumakit ang ulo ko."Diniinan ko nang sadya ang mga karapat-dapat na salita.

Saka ko siya tinalikuran upang kunin ang blower. Narinig ko siyang bumuntong-hininga bago ko buksan iyon at simulang tuyuin ang buhok ko.

Napangisi ako nang makita ang pagtitim ng bagang niya habang nakatingin sa likuran ko. Ngunit awtomatiko ko iyong binura, pinagmukhang inosente ang sarili. Tumingin ako nang deretso sa salamin, bahagya pang itinatabingi ang sarili habang tinutuyo ang buhok.

Ngunit hindi ko inaasahang hahakbang siya. Sa paraang ipinararamdam sa 'kin ang epekto ko sa kaniya!

Shit!

Nakamaang ko siyang nasulyapan sa salamin. Hindi ko na naigalaw ang blower, nagtuloy-tuloy lang 'yon sa pag-andar nang matigilan ako.

Kinuha niya ang blower at siya ang nagpatay niyon. Inilapag niya iyon sa vanity saka ako hinawakan sa magkabilang balikat.

"I don't know why you always do this to me," makahulugang bulong niya, deretsong nakatingin sa akin. Naitikom ko ang aking bibig.

Marahan niyang ibinaba ang strap ng sando ko saka muling sinalubong ang mga mata ko. Hindi niya inalis ang titig sa akin habang marahang inilalapit ang mukha sa balikat ko. Nakagat ko ang aking labi nang dampian niya ng halik iyon.

"You know how your silly actions devastates every sense I have," mahinang aniya. "Your touch unravels me."

Sinabi niya iyon sa pagitan ng halik na gumapang nang tuluyan papunta sa leeg ko.