နှလုံးသားရဲ့စကားသံကိုနားထောင်ပါ .....
နန်းယဉ်ဟွမ် တုန်တုန်လှုပ်လှုပ်နဲ့ စိုင်းခွန်နာမည်ကိုသာတနေသည်။
ဟိုးလွန်ခဲ့တဲ့ညက ဟံသာ့ဆီတစ်ညလုံး စိုင်းခွန်ရောက်နေခဲ့တာနဲ့ပတ်သက်ပြီး နန်းယဉ်ဟွမ်အဖြေမှန်မကြားရသေး။
နှစ်ယောက်သားရဲ့ဆက်ဆံရေးကိုသံသယဝင်ခဲ့မိပေမယ့် အခုဝောာ့ရှင်းသွားပြီ။
"ဆရာဟံသာကစေ့စပ်တော့မှာလား"
နန်းယဉ်ဟွမ်ကြားသွားတာကိုဟံသာသိသည်။
နန်းယဉ်ဟွမ်သိရင် ဒေါ်ကြာမှိုပါသိမည်။ ဒေါ်ကြာမှိုပါသိရင် ဒီအကြောင်းတွေကို စိုင်းခွန်ထပ်ကြားရဦးမည်။
သက်ပြင်းချရင်း စိတ်ပျက်လက်ပျက်ထိုင်နေမိ၏။
ဖြစ်နိုင်ရင် စိုင်းခွန်ကိုစိတ်မညစ်စေချင်တာအမှန်ပင်။
ကိုယ်ပြောင်းလဲလို့မရတဲ့ကံကြမ္မာတစ်ခုကို ရှောင်ကွင်းလို့မရလည်း ပြေးတွေ့ရင်ဆိုင်လိုက်ရုံပင်။
"ခဏလေးတော့သည်းခံပေးပါခွန် .... အနာဂတ်မှာမင်းကိုစိတ်ချမ်းသာအောင်ထားနိုင်ဖို့ ကိုယ်ကြိုးစားပါ့မယ်"
🌸🌸
နန်းယဉ်ဟွမ်အိမ်ရောက်တော့ စိုင်းခွန်ကပန်းခြံထဲရောက်နေပြန်သည်။
တစ်စုံတစ်ခုကိုမေ့ဖျောက်ထားနိုင်ဖို့ ပန်းတွေအပင်တွေနဲ့အချိန်ဖြုန်းနေသလို အမြဲတမ်းပန်းခြံထဲမှာပဲ နေနေတတ်သည်။
"အစ်မပြန်လာပြီလား"
စိုင်းခွန်ရဲ့ နီရဲမို့ဖောင်းနေတဲ့မျက်လုံးတို့က နန်းယဉ်ဟွမ်ရင်ကိုဆောင့်ကန်လိုက်သလိုပင်။
"အုပ်အုပ် မောင်လေး"
"ဗျာအစ်မ"
စကားဝါပန်းပင်အသစ်စိုက်ဖို့ မြေဆွနေရင်းထူးလိုက်သည်။
"ဘာမှမဟုတ်တော့ပါဘူး"
ဘာမှဆက်မပြောနိုင်ဘဲ နန်းယဉ်ဟွမ်ထွက်လာခဲ့သည်။
"အုပ်အုပ်ဘက်ကလည်းစိတ်ရှင်းမှာပါ .... ငိုထားတာလည်းမဖြစ်နိုင်ပါဘူး"
YOU ARE READING
ချစ်ခြင်းတရားတို့မြစ်ဖျားခံရာ
RomanceCover - Artist Ma Jue Swar Story Genre: Romance, Melodrama Age Restriction: 12 years and older Plot: တင်းကျပ်လွန်းတဲ့ဖခင်ဆီကနေထွက်ပြေးဖို့ ပင်းတယမှာပြောင်းရွှေ့ခွင့်လျှောက်ခဲ့တဲ့ဆရာဝန်တစ်ယောက်... ဆရာဝန်ကြီးက ပင်းတယမြို့က ဂျစ်ကန်ကန်တိုင်းရင်းသားလေးတစ...