جسور بليدة

البارت السادس والعشرون

جسور بليدة .. حمامة الجبوري
  ..حمامة الجبوري ..
..
من اليوم ساحطُ النقطِ على حروفُها
وإنثرُ حُبي ولهفتيِ وشوقيِ إليكِ يانفسي الذي إستنشقه

وإن سالوني يوم من الأيامُ كيف عشقتها إلى هذا الحد ؟

فـ سأجيبهم ،

عندما انظر إلى عيناها الخجولة
عندما ترى عيني ابتسامتها فـ تدق طبول قلبي
عندما تبدر گل حركة غير ارادياً فـ هنا يعلن حبي لها ..

عيناها ابتسامتها وميل رأسها عندما تخجل
گل تلك التفاصيل إحفضتها .

احبيبني ياحبيبتي لگِ انتزع تلك الاوجاع من صميم
قلبك احبيبني يارحمتي لگي نُعالج ببعضنا ..

فـ ان اليالي طالت والاوجاع اصبحت ثقلاً علينا

-الخاطرة بقلمي حمامة الجبوري
متابعة ممتعة 🌹
..

ديمه .. مادري شسوي بهاي الحظة وگلام رأفت خلاني
اوگف مصدومة إطراف رجلية بردت ومغص قوي

صاب معدتي على لحظة اجيت اوگع بسرعة ثبتت اديه على
حايط واني ارچف مثل السعفة ..

بللت شفايفي اثر الصدمة  شعور بداخلي يگلي
انتي ضعتي بطريق صعب الرجوع منه
همست بيني وبين نفسي صحيح والله صحيح اني ضعت
وإدمرت اني صرت لعبه بين المايخفون من ربهم

ياناس ياعالم شصار بالدنيا ليش هيج جاي تعاقبنا
شسوينه عند ربنا حتى ندمر هيج شسوييينه !
احد يجاوبيني ويريح گلبي مو تعبت اقسم بالله العظيم تعبت

درت وجهي بدون ماسمع رد عثمان
وامسح بدموعي وامشي واسحل بذيال الخذلان گلما تنزل
دمعتي گلما يزيد الوجع بگلبي

إلمن اروح ليا اخت وليا ام تباوع على حالي ..!
إلمن إشگي وجعي اااخ و اااخ شگم ااخ بداخلي
شگم جرح بداخلي ادوي ياهو بيهم ؟

ياربي انت من تنزل عليه هيج عذاب
غير تنطيني صبر مو تعبت والله تعبت بهذا عمري وجاي
امر باسوء المواقف زين بعد سنين وين الگي نفسي
وشصاير بحالي ..!

طلعت من الشرگه واني ارجف ورجليه وحدة
تردم بالثانية ابو الخط بعده هنا مدري شيسوي بسارته
همزين مرايح گمت امشي بسرعة وامسح دموعي بثنين إديه

بدون مالتفت علي حتى لاينتبه على دموعي گتله
عمو تعبانه وطلعت من الدوام وصلني للبيت ولو اسوي
عليگ زحمة هو بسرعة الظاهر انتبه علية وگال

اصعدي بنتي اصعدي .
فتحت باب السيارة وصعدت طول الطريق ايدي
على گلبي واريد اسگت ماگو گل ساعة وحطيت ايدي على
حلگي اكتم صوتي بجي في سبيل مايسمع ابو الخط
وخاف يروح يگول العثمان ..