جسور بليدة

البارت التاسع

#حمامة الجبوري ..جسور بليدة
#الحلقة التاسعة ..متابعة ممتعة🥀"
..
إشراف وتدقيق .. "فـاطمة حـميد "

حبابيبي إللي يسألون على نشر ..
فـ هوَ گالتالي .. بين يوم ويوم الساعة 9، وممكن أتاخر دقايق لضعف الأنترنيت .
..
الأشد وجعًا من الألم أن تتنازل عن أحلامك من أجل ظروف الحياة
..
صلاح الدين .. بلد
"ديمه"
هذا الخبر چان گفيل أن يخليني انصدم .
بعد ماتحمل وكعت على گرسي وضليت أرچف وأفرك بأديه !

شنو حامل لحد هسة مامستوعبه گلام الدگتورة!
شلون ومنين وشجاي يصير وياي مادري اني مامتزوجة شلون
حامل ياربي دخيلك يعني هسة إبطني إنسان !!

مجرد ماتخيل هيج
ازيد بالبچي هذا الخبر عند غيري يفرحهم بس اني خايفة حيل
بحيث حتى من نفسي خايفة ..

لزمتني بيبي وطلعنه ..
امشي بالشارع وأمسح بدموعي حسيت الگون ضاق بيه !
اريد إتنفس ماگو أختنگت حيل ..

كعدتني بيبي على صفحة وگالتلي ..
-قبل لاتلگيني وين جنتي ديمه وشصار وياج احجيلي بالصدك !!

إستغربت من گلامها شحجيلها وأني گلشي
ماجاي أفتهم سكتت ماعرف شرد عليها !!!

_ گالتلي ، احجيلي لاتسگتين أريد اعرف گلشي عنج حتى أگدر أوگف وياج انتي تعرفين يعني البنيه حامل ومامتزوجة هاي يعني عار وتنگلت عند الناس ..

هيه گالت قتل ..
واني لميت نفسي بخوف تذگرت عمتي ! وشلون گلها تذم بيها
معقوله هسة إني صرت مثلهااا !!

بللت شفايف ودموعي مأسگتت تمتمت بخوف
- أول ماطردتني أمي بقيت لوقت ، طويل بالشارع چانت باردة وحسيت عظامي تجمدت انتظرت ابوي يجي هواي أنتظرت لحد مامليت خفت حيل خاصتاً المگان الگاعدين بي مابي بيتوت هواي ..

مشيت بخطوات طفله ضايعه وماتندل أي شي !
ضليت امشي امشي بحيث حسيت رجلية تگسرن لحد ماوصلت مم.. مماوصلت المنطقة حيل تختلف عن المناطق الثانية .. "احجي وارجف "

لزموني ل..ل لزم..لزموني ثنين زلم
ودخلوني للغرفة ، واحد منهم قيد أديه وبده يسوي إشياء مو حلوة
و.. ماتحملت أنهاريت بالبجي اريد أسگت ماگو !!

إباوع على بيبي تبجي وحالتها أتعس مني .
-گالتلي ، يعني أغتصبوج !
عقدت حواجبي
-وگتلها ، يعني شنو ؟

-يعني اخذوا شرفج وعلاقة حالها حال المزوجين بس بالحرام
وهذا الطفل إبن واحد من هالرجال .

هيه گالت هيج واني ضليت بس ابجي وخايفة
حرام يعني راح يگتلوني لان العار مايعيش ابجي وخايفة