جسور بليدة

البارت الثاني والعشرون

جسور بليدة .. حمامة الجبوري
..البات الثاني والعشرون 22 ..

حبايبي من هذا البارت اذا ما صعد التصويت إعذروني
هاي الايام ماگدر انزل .. ❤️ وتعرفون واهسي وماحب اظلم هاي القصة خصوصاً جاي امر بظروف قوية
..
شسولفلك ..
ولك كبران بيني وبين المرايه سوالف شيب
العمر مستثگل بروحي يريد يروح
ياا .. ليش ؟
وصلت يمك غشيم شطوط واستاهدت يمك گيش
يلبايع سواليفك ..
شلونك .. بيش ؟

-عقيل العرد
..

رحمة ..إغمض عيوني واشوف بس ظلام دامس
إرجع افتحهن عسى ولعل يصير بياض لو إگدر المح شي
بس للاسف حياتي چانت سوده
وهسة اسودت أگثر اليل شكد طويل والناس إتنام بي
حتى ترتاح اني اتوجع من حرك وجهي وگلما اديره لجهه يلچمني بنص گلبي ..

هيه هواي سوالف بس ماتنحجي وتوگف بالعظم
النار تحرگ بصدري وإني ساگته ماحجي ..!
هم فگرت بيوم ليش ماگدر احجي؟

وچان گلبي يصدر الجواب .. اي ماتكدرين تحجين لان
هذا ذنب إمج هيه إمج لدمرتج هيه إمج الدمرتج
وإرجع اعيد واكرر بهاي الكلمة لحد ماتجيني حالة الهسترية
واگوم اعض بايدي حتى مايطلع صوتي ويجون
يشوفن شگلي رغم بعده بالشاش بس ماريد التقي بحد

جروحي گثرت وگمت احس بكبر عمري
تعبت واحس الدنيا ضاقت بية ، وحياتي جاي تنتهي
يوم بعد يوم ..!!

سمعت باب الغرفة انفتح فزت
گل جروحي واني اسمع خطوات رجلي
وصوت انفاسه أي هو هذا طاهر هو هذا اللي يكدر يشفي
كل جروحي بنص گلمة گمت افتح واسد بايدي واحجي بصوت ناصي .. اطلع طاهر ماريد تشوف شگلي اطلع الله يخليك

حسيت بي گعد بصفي وبس صوت انفاسه
عالية شگد مشتاقه إشوف شگله ! بس بعد ماشوف هاهية
لازم إتقبل الواقع ..

هيه گمزة هيه صرخة واني احس ياخذ ايدي
بگف ايده ويضغط عليها بهدوء اريد احجي ماكدر گل
حواسي إتوقفت عن العمل ..

هاي اول مرة يلمس بيهه ايدي وبيهه حنيه مو طبيعة
بثانية وحدة اي والله هاي الثانية خلتني انسى گل وجعي !
حلكي فاتحته وشعور اول مرة اجربه ..!

اريد احجي ماگدر احرك حلكي
هاي لزم ايدي وهيج صار بيه اسمعه يگول

طاهر .. ثبتي نفسج لاترچفين ولاتخافين ماجاي اسويلج شي !حجهه بهدوء ولاعبالك مسوي شي

ابجي واحجي بگلمات متقاطعه
رحمة .. اريد احجي وياگ اريد افتح گلبي يمك واريد
اكلك بس انت ارتاح من احجي وياك

طاهر .. إحجيلي گلشي تحسين بي ، واعتبريني ضلج
بكل الاوقات وإني مستحيل اعوفج اني وياج للموت يارحمة
حجهه بنبرة حنين وشوك ..