جسور بليدة

البارت الثالث عشر

#جسور بليدة
#حمامة الجبوري
#البلرت الثالث عشر الـجـزء الثاني .
#مساء الحب حبايب قلبي  رمضان گريم❤️

لا يگسر المراء إلى شيئين .. قلة الحيله ..العجز
حتماً من اصعب ما مرت به عند الأوقات الصعبة .
عندما تجلس عاجز عن فعل أي شيء !!
تنهزم وتعود مجدداً لكِ تگابر ..تنگسر وتعود مجدداً
لترمم أشلائها فأعلموا أن گثرت آلامها وطال سگوتها
فأعلموا أن هناك براثن الهلاك قادما ..

ديمة
درت وجهي وراي ما لگيت ألهم لا أثر ولا خيال فتحت عيوني مصدومة
ومانگر خوفي بهذاك الموقف بدون وعي صرت أرجف

وأطرافي بردت .. أخذني الواهس وأجيت أبجي بس وگفني صوت
التلفون چان يرن بدون توقف وبأصرار ؟!! ماادريت على نفسي شلون
أخذته من الچنطة ومن قريت اسم الدگتورة

يلا هدأت وأشبه بالرجعلي النبض الگلبي من أستعجالي ، وخوفي أريد
أضغط رد أنطيتها رفض ..!! ؟همزين بنفس الثانية رچعت أتصلت علية

همست بقشعرة
- الووو وين رحتوا أشو ماگو ؟؟

گالت
-طبعاً عرفتج راح تنهبطين وحذرته بس ما سمع مني .. گال الحذر وأجب
شوفي أحنة بالفرغ مو بعيدين بس أديرين وجهج أنتِ هسة دخلتي لو بعدج ؟

گلامها نزل على گلبي مثل الـ مي البارد وبعز شهر تموز .. ما أنسى
دمعتي شلون نزلت بهذاك الوقت شرحت مدى خوفي وضعفي وبينتلي أنا
مو قوية ..!!

فزيت على گلامها "أدخلي ديمة راح يضيع الوقت علينا "

گلت
-ماشي ، راح أدخل بس أنتوا أبقوا بمگانگم
گالت
-لاتخافين .. ماطايرين باقين هنا بس روحي

گلت الها "أوكي" وسديت الخط طول الطريق أنا أبلع بريگي .. لو أفرك
بأطراف أصابعي مو بأيدي والله مو بأيدي .. مچاي أگدر أتغلب على مخاوفي
رجع صوت بداخلي گال " لا حقج لازم ينوخذ .. وظلم أذا أجتج فرصة وسگتي"

وصلت للباب وگلبي يدك تمنيته يهدأ دقيقة وحدة ماگو .. أگثر من مرة
دگيت الباب ماگو أنتظرت هم ماگو أخير شي أنفتح الباب .. چنت داير ضهري
ما أبالي راح يفتحونه من درت وچهي صارت عيني بعين هديل ..

الله لا يچذبني منضرها خلاني .. أنقهر عليها لدرجة أجيت أحضنها وأگلها
شصاير وياج أحجيلي ؟؟ ضاربيهنا حيل بحيث لسة أگوا آثار بس بساعتها
تراجعت من شفت نظراتها تجاهي

من شافتني أچت تسد الباب بس أنا سبقتها وحطيت رجلي حاجز حتى
أمنع ماتسده من شافتني هيج سويت بسرعة صاحت بصوت عالي

-لج أنتِ بأي حق تجين هنااا هااا بأي حق بعد ما هدمتي بيوت العالم هسة صار إلج عين وتچين تواجهين .. لج والله العظيم  الصوج بيج لا الصوج بينه لأنو لفينه وحدة غريبه وألتفت مثل الحية على البيت وما أرتاحت لحد مادمرته