جسور بليدة

البارت الخامس عشر

#جسوربليدة
#البارت الخامس عشر
#مساء الورد حــــبـايــــــي🌹
#الــجــزء الــثـاني

شايف من تبين عود مامكسور
تضحك وبضحكتك توكع الدمعه؟

حبايبي قبل گلشي لاتنسون التصويت .. محتاجة مساعدتگم لحد ما أختم على خير ❤️

ديمه
مسحت دمعة عابرة من عيني وهمست
- تدري شگد أنگسر گلبي عليه ، بهذيج الأيام چنت أفرش سچادتي وأتوجهه الـ ربي وأهمس " هاهيه أنا ماينقصني شي غير الموت وتگمل سعادتي .!

چنت ألملم أشلائي وأگعد أعدد بأصابعي چم مرة بچيت باليوم.
چم مرة نزلت دمعتي .
چم مرة صرخت .
تعذبت وأدمرت.

مرات أگول ليش ؟ ليش هيج صار بحياتي ! يعني توصل بيه مرحلة بالتفگير .
أگول معقولة أنا بدر مني شي ؟ حتى أحصل گل هذا الحزن صعبة عثمان تدري شگد صعبة عليه أنو أعيش وأگمل بحياتي !!!

والأصعب من هذا ماگو أحد راح يفهمك ويحس بشعورك .. يحس بألمك
ماگو شگد صارلي عايشة وأتنفس بس ماگو أحد گلي "أنا حاس بيج .. أنا حاس
بلذة الألم إلي چاي تعيشة أنا سامع صوت بداخج يصرخ "گافي "

مرات أتسائل "ليش يالله؟"
ليش گل هذا العذاب ؟ ويرجع صوت بداخلي يگلي تحملي ..
تدري هسة گُلش سهلة عليه أعيش وأستمر بحياتي بس مراح أگون حالي حال
البشر .. يعني أبسط شي ضحگتي مراح تگون نابعة من گل گلبة .. لا عثمان

راح تگون ضحگة وراها آلالم .. وحزن .. ودموع
أني راح أنسى الـ مواقف المريت بيهن
راح أنسى الگلام السمعته وراح أنسى وجعك .. وجع الغريب .. وجع الأهل
بس مراح أنسى شعوري بهذاك الوقت .. ولا راح أنسى خنگتي ودمعتي . ولا
أنسى چم صرخة ضميتها بصدري .. بس في سبيل أسيطر على نفسي

-هاربة
-مُغتبصة
-قاتلة
-بنت شوارع

عبالك بس هذني الگلمات .؟ لا لا وألف لا .. طول حياتي صرت أسمع
أشگال والوان وهم راح أنساهن .. بس مراح أنسى شعوري من أنرمت عليه
گل گلمة وبقيت ساگتة .. لأن ماعندي وجهه أرفعه وأرد عليها ..

عثمان أني مهمى تعالجت ومهمى مرت سنين بس راح أبقى جسد بلا روح .
راح أبقى أنسانة عايشة عادي وتتنفس بس داخلها ميت .. يعني تصدك أذا
أگلك حتى مراح أگدر أسعدك ..

مو قصة أنا سلبيه .. بس الصار وياي مو طبيعي . صدگني البشر الطبيعي
اذا سمع نص گلمة تثغة يبقى يومين تعبان .. حزين أما گيف الحال أذا مرت
بي هاي الأحداث گلها ؟؟

أنا بسبب هاي الأحداث راح أبقى
وحيدة .
راح يبقى لون أسود ملطخ شرفي .
راح أبقى أنسانة
معقدة
نفسية