جسور بليدة

البارت الواحد والعشرون

جسور بليدة .. حمامة الجبوري
..البارت الواحد والعشرون ..

لاتنسون التصويت وإضغطو گلشي ينضغط 😊✌🏼
بارت طويل.  واسفة ع تاخير خلص الانترنت واني جاي اكتب
..
ديمة .. عاقدة حواجبي ومسوية حرگه الاستفاهم ..
كتله وخايفة .. شتحجي انت ياموضوع هذا ؟

يباوعلي ويتقرب شگد ينزفزني من
يسوي هيج يخلي دگات گلبي مو منتظمه وتلزمني رجفة
مو طبيعيه ..حجيت بسرعة ومتوترة
وإحاول اضبط نفسي

ديمة .. شبيك بس تباوع علية مو جاي احجي وياك ؟
عثمان .. هيج عاجبني إباوع شنو حرام ؟

ديمة .. ترى جاي توترني وهسة تطلع بيبي وتصير سوالف عثمان ارجع المگانك الله يخليك .
عثمان .. راااح تببببجييين شبييييج شبييج وتعاي گليلي
ليش ماگلتليلي محد مسويلج حفلة نجاح .؟

حطيت ايدي على گلبي ومغمضه عيوني
وبالگوة إتنفس احجي وارچف ..

ديمة .. صدك چذب تحجي انت عبالي شو شضامة عنك والله راح گلبي وحطيت ايدي على عيوني إمسح بيهه خاف اگوم ابجي وهو يضحك ويگلي

عثمان ..ما دام نزلت دموووعج يحتاج اعتذار خاص ومميز
ها شنو رايج ؟ عازمج على فلافل إنتي وگل عشيرتج ..

ديمة .. شلزگت بالفلافل وشگد إتحبهه حجيتهه بضحگه
عثمان .. هذا يا گواد إبن سطعش گواد مايحب الفلافل ؟؟؟
بله خلي يطلع گددامي وشرط يحجيهه بوجهي

ديمة .. تعال ادخل جوه لاتضل واگف
هنا وبعدين نتفاهم على فلافل وارتب بشالي واحجي ويا
دخلت گدامة وهو يمشي ورايه ..

بيبي چانت تقره قرأن شافتنه وحجت
بصوت هامس صدق الله العلي العظيم وطبگت
الگتاب ورافعها عيونها علينه بخزره صدك خجلت بدمي
گعدت بصفهه وعثمان يحجي

عثمان ..شلونج حجية ؟
خاتون .. الحمدالله على الله ماگتلي عادل وين هسة ؟

عثمان .. مو هية جديدة عليج وتسأليني ؟ انتي شنو برايج وين تلكي هسة بالجامع وجاي ياذن ويـ الشيخ وينطي فتوات
لو بملاهي وال*** خلينه ساگتينه حجية

خاتون .. يبتلي الواحد لو سألك
عثمان .. سؤال عن سؤال يختفي حجية
ويمسح بالحيته ويبتسم رجع حجه وهالمرة يباوعلي ويحجي

عثمان .. يابه باچر عازمكم بمناسبة نجاح
ديمه مو عيب نجحت وبدون هدية !!

ديمة .. بيبي رادت تسويلي واني ماقبلت
لأن أصلاً ماگو داعي هو هذا گلامكم وفرحتگم وياي
عوضتني عن هواي اشياء بيوم چنت فاقدتهه ..

انت ورافت وبيبي گلكم قدمتولي هواي شغلات ..
وماعرف شلون راح اشگركم عنها واولاهه انت ومن رجعتلي مستقبلي ودراستي هاي الخطوة خلتني اعيد صياغة عقلي وانتبهه اگثر ..