جسور بليدة

البارت السادس الجزء الثاني

#جسوربليدة
#حمامة الجبوري
#البارت السادس الجزء الثاني
..
‏التعبان من روحه..
بفيّ يا ڪَاع تڪَدر تبرد أجروحه؟
بفيّ نعناع ؟
چا والشوڪَ والعاڪَول ذاك التارس سفوحه..
بفيّ الياس؟
چا والناس و الوهواس وآثار البچي ونوحه..!
..
ديمة .. گل حواسي چنت مرگزتهم على گلامها وشلون تحجي وبنبرة گلها حزن
لزمت گلبي أحسه صار يوجعني وصرت إبلع بريگي من خوفي وأرتباگي .. بحيث حتى ماعرفت شنو أتصرف وشنو أسوي !؟؟

مشيت خطوات سريعة وأني أحس برجلية وحدة تردمم بلثانية.. بلحظة وحدة
حسيت مشاعري گلها هاچت ومادري شلون چنت مقاومة وأگفة على حيلي گعدت
على گرسي لأن حسيت تعب برجلية فضيع ..

هستوني گعدت على گرسي چان تلتفت علية وأباوع بعيونها مليانه دموع الله لا
يچذبني بهذاك الوقت دقيقة گاملة أحنة بس وحدة تباوع على ثانية ومصدومين ماعرف
شعبر بعد سنين وتجيني مرة وتطلع امي وسابقاً چنت مخدوعة بـ مرة إبوي

هو هذا الشعور اللي تحس إنك چنت عايش بمتاهة وغموض .. وأني فعلاً چنت
هيج أجت گعدت مقابيلي ودموعي ماتوقفت إلـ لحظة وحدة ! وأگول بگلبي
معقولة هيج تحبني وتحزن علية ؟ يعني معقوله اگو واحد يخاف علية غير عثمان ؟

نزلت دموعها وحطت أديها فوك أديه وماتحجي بس تباوع علية بحزن
حركت شفايفي بهدوء ونطقت هاي الگلمتين

ديمة .. ليش رجعتي بعد گل هاي السنين ؟؟ اريد جواب يشفي جروحي
آمنه .. انا عارفة انه گلامي مش هيقنعك بس ماتاخذي على خاطرك انا كنت مجبوره اعمل هيك وأتركك وأترك گل شيء يخصك يا امي ان كنت مجبوره ودين امي

ديمة .. وليش رجعتي؟ مثل ما أنجبرتي وقررتي تعوفني بيد ناااس ماترحم اييي ماترحم ولا رحمتني رحمة وحدة !! هسة ترجعين ولاگانما صار شي ولاحتى شايفتني !!

آمنه .. مابقدرش سيبك الحالك ومرت ابوكي انسانة مابعرفيش كيف
اوصفها استني لحد فهمك كل شيء ومن بداية للنهاية الحداثة ..!!

وخرت أيدها من عندها بسرعة وحجيت وأني متماسكة نفسي بالگوة .
ديمة .. گتلج عوفيني ! عوفيني واعتبري بنتج بيوم من الايام ماتت!! بعد عذاب
سنين وصعفات من القدر وبعد ماطعنوني أقرب الناس فگرتي وأجة إبالج بنتي !!
تدرين حتى هاي السالفة عيب وينضحك عليها اني ماريد أتجاوز عليج ولا اقل احترامي لان مانسية الام رب ثاني ..