جسور بليدة

البارت الثاني والأربعون

جسور بليدة .. حمامة الجبوري
..البارت الثاني والأربعون والاخير ..

..
وانا على بابكَ سيدي التجأ
هل لي بمهربٍ يرفعني الى السماء
هل من نور يضيئ عتمه دربي
نورٌ ياخذني لذالك المكان الذي
لاظلمَ فيه ولا عذاب
فقد ضاقت عليه دنياي
وما وسعت
فياربها خُذني فقد تحطمت
وتكسرت وما بقي من ذاك العمرِ
باقي
..
والله ماعرف شگول بس محترمة مشاعرگم وحبكم للقصة
ولازم مني اسرد القصة بگل حذافيرها ..
..

ديمه .. أريد أصرخ أعيط ماگو صدمتي خلتني أوگف
على رجلية مگتوفه الأيد دفروا الباب بگل قوتهم ونزلوا عليه ثنين زلم
ملثمين ومسلحين!!!

مادري شصار بيه گمت ماگدر أحرك لا أيد ولا رجل
ياللهي شجاي يصير بينه مادري تذگرت ابني وذا تقربوا منه وهو
مريض مايتحمل بسرعة يموت بعدهم يتقربون بهدوء وبس شافوني وحطوا
عيونهم بعيني نزلوا يرگضون وموجهين السلاح بوجهي

واحد منهم صاح .. بس تفگين حلگج بنص گلمة
شايفه هذا المسدس ؟ افرغه براسج وگولي ماگلت !!

صدك عشت لحظات من المستحيل يجي يوم انساهن
لو اگول يلا عادي وخلي أعيش حياتي هيه شباقي بيها هاي الدنيا
لا خلصت دنيتي عذاب بعذاب وگلما اگوم من مزق اوگع بمزق اتعس من
القبله ..

ماگدر اتحرك لو اصرخ لو احجي بنص گلمة گلت قوية
وردت ابين گلامي بلحظتهه بس مثل الرياح وهاجمتني ذگريات عادل
وأيام عذابي !!

همست بكاء وترجي وأني ازحف ليوره بخطوات
بطيئه .. شتردون مني وانتو منو ها منووو ؟؟؟
واحد منهم أنتبه على خطواتي صاح

..لاتتحرگين گتلج!!!
ماهتمت چنت مستعده اموت ولايصير بأبني شي
رجعت حجيت وهالمره بنبره اهدئ أحاول أغلبهم

ديمه .. والله ماعندي لا فلوس ولا أشي حتى أنطي ألگم !!
حجيت هيج واني قريبه على باب الغرفة دفعته بأيدي وبلمح البصر
دخلت وأرتجيت علي ادور بعيوني وين المفتاح ماگو اريد اقفله ضاع عليه
گلشي وعبالك تعقدت الامور اگثر واگثر ..!!

أسمع بيهم يدفرون بالباب واني فقدت ابجي واصيح بعلوا
صوتي وفوك هذا علي فز وگام يبجي وتخالطت اصواتنه يارب ساعدني
خليني أوگف على رجليه تعبت اني تعبت هم بشر وأحس !!!

چنت فاقده واحاول أوگف على باب وأمنع بيهم مايدخلون
بس للاسف هاي گلها قوتي ماچابت فايده وعمري مانساه هذا اليوم
حاله حال أي ذگرى سيئه ..

دفعوا الباب بقوه ومن قوة الضربه وگعت على أيدي
اليمنه بلگاع حسيت هاي الدنيا شگبرها أظلمت بوجهي وشفت النار
بعيوني !!

واحد فوك راسي وموجه المسدس والثاني فوك راس
ابني وهم مثل الحالة المسدس موجهه على راسه صرخت لاااااا
لااااااا ابنيييي ديربالگم تسوله شي احجو گلولي شتردون مستعده اسوي گلشي
بس ابني لااااا !!!