جسور بليدة

البارت العاشر

حمامة الجبوري .. جسور بليدة
"الـحـلقة العاشرة .. متابعة ممتعة 🥀"
..
تسئلني الشوارع وين الاحباب ؟
وين اليوگفون بعتبت الباب ؟
ابشرك سلموني بحلك الذياب !!
نسو اني بيوم جنت بنتهم!!
ما ضلي اهل حت ارجع الهم !
انا احباب كلبي ارحلو كلهم

"الشاعر الراحل خضير هادي"
..
إشراف وتدقيق .. فاطمة حميد
..
صلاح الدين .. بلد
"ديمة "

حطيت إيدي بأيده ودموعي تصب ويـ گل خطوة .!
أمشي وأدعي على إهلي بگلبي شنو ذنبي أتعذب هيج اذا هم مايردوني ليش خلفوني ؟ ليش خلوني إنخلق ؟

أحس غواش صاب عيوني بسبب دموعي .
إبالي إهرب منه وأشوف وين إروح ؟ الدنيا الفجر وگمنه ندخل المناطق گلها بساتين ، وإشجار وظلمة بظلام حياتي وصوت الگلاب وأضح .

حياتي گانما بحر من الأحزان والمصائب
وأني غارقه بي لاا اعرف خوض السباحة!!!

إبجي بصوت مسموع وشهگاتي أخذت نص من حيلي
وگفنه چان يگول :- اذا سمعت صوتج تبجين مرة ثانية ماتردد لحظة بشمرلج للگلاب .

-گتله ، ماگو داعي تشمرني للگلاب لان الگدامي يعادل إلف گلب . حجيتهه وإني اتصنع القوة وضاغطة على قبضة إيدي .

مأحسيت غير على راچدي فر
وجهي فر ماتوقعت راح تگون ردة فعله هيج بس هوَ نذل وگلب
شراح يگون تعاملة .! المفروض ما أتفاجئ لاان الناس گلها صارت وحوش وتنهش بلحم الآخرين ..

يجر باخية ملابسي
وكانما حيوان مو بشر گدامة ..
طول ماا نمشي إحس داخلي نار وتلهب وإبجي بصوت ناصي
حيل بحيث كاتمة على حلگي .

راصه على سنوني مااتحمل ..
الجاي يصير حيل صعب واني ماتحمل إبسط حل عندي اموت روحي واخلص .!

جاي نمشي فجأه وگفت وتحجتت برجلي
-حجيت ، اوگف رچلي تشنجت مادري شبيها ؟
-گال ، لااعبالج تعلبين عليه مرجعج إلي وين تروحين منو يعترف بيج ؟ احمدي الله لاان لگيتي واحد مثلي .

-گتله ، إترك ايدي بس خلي إشوف رجلي شبيهه ؟

ترك إيدي وضل خازرني .
دنگت أفرك برجلي إباوع علي أدي
بجيوب البنطرون ويباوع على شارع
التفت يمنه يسرى ظلام دامس وصوت الگلاب عااالي .!

اردد بداخلي الأيات القرانية ، عسى ينزاح خوفي .
لحين ما إهرب اتلمس ايدي باردة ثلج عبالك قطعة مال ثلج !

مسحت دمعتي هيه وحدة من الاثنين لو بالهدف لو بالنجف
لو انجي لو اموت ! نطقت بأسم اهل البيت همه يحموني ماعندي
غيرهم ورگضت ليوره ..

اسمع خطواته يرگض وراي
وإني ازيد بالرگض حسيت رجلية صارن خيوط وبعد ماگدر .
فحطت ولسه مستمره ماوگفت ولالحظة .

أركض ودموعي تنزل .
شفايفي تتحرك وچان تنطق بهالگلمة .. حسبي الله ونعم الوكيل
إنت ادره بحالي ياللهي !