جسور بليدة

البارت الرابع عشر

#جسور بليدة .. حمامة الجبوري
البارت الرابع عشر ..
مساء الهنا حبايبي متابعة مممتعة ❤️🥀

(بارت قصير جنت طالعة وتاخرت عليكم اعذروني )
ترا احنه هواي متعوبين
خاف تغرك الضحكات
هذا الضحك ما محسوب
ترد للصدك ﭼـذابين
-زهراء حيدر

رحمة .. إي هَو هذا إصعب المواقف او بالاحرى اوسخ
المواقف ماعرف شوصفه من صدمتي !!
اسد وافتح بعيوني اريد إرگز ياترى الجاي إشوفة حقيقة
لو حلم ؟؟

تضارب بداخلي شعور عدم التصديق
وصرت بين نارين نار الصدمة ونار الوهم گلت إحتمال
جاي اتوهم بس گله حقيقة !!

بعدني اباوع وبنفس المكان
عمي وكاعد على طبله حديد وبدون اي قطعه تستر جسمة !
چان بحاله مخزية حيل وبدون إي لبسه ..

يباوع على حايط وعبالك مصدوم من شي لو شو
چاي إيسوي شگله وهو كاعد يخليك اجباري تتاكد أن
هو مريض نفس ومختل عقلياً

گامت عيوني بيها وماتدور بالغرفة كلها هذا
واني احس رجلية صارن ثلج وماكدر حتى
إتهزهز من مگاني الهث بصوت هامس ودموعي لاا اراديا
تنزل

المنظر لاا اجباري يخليك تبجي وتنهار خايفة ..
هذا الترك عبالك بي قصة الدخان مالي ارجاء المكان والدم
إللي ! مطلخ على حايط خلاني إنرعب إكثر ..

إگو غراض متناثر إبعثره على ارض
ومتكومة شي فوك شي وعبالك قديمات .. قابضة على ايدي
واحاول اهدي بنفسي ..

اريد امشي ماگدر بعد الشفته خلاني انهار گلش..
اسحل بخطواتي سحل ، مثل الجثة واتحرك ايدي على گلبي

وخايفة ولأول مرة يحتلني شعور الرعب بهاي الكثرة
هذا الموقف خلاني ماندل دربي نهائياً ..

خاصتاً الدنيا جانت اليل والغروب هستوه مخلص ..
امشي واتعثر بخطواتي دخلت للصالة وماحس
غير تطفه الگهرباء إنرعبت اكثر وكمت ماشوف طريقي
حتى النفس ضاق بية !!

دفنت وجهي بأدية وصرخت بعلو صوتي
مادري خوف لو صدمة !! هيه هاي طاقتي بعد ماتحملت اكثر من هذا وگعت للكاع مغمي علية واخير شي شفته
خيال بشر مر من يمي ..

وره نص يلا ساعة
گمت احس بذبذات مي تنذب على وجهي إحرك بجفن
عيوني احاول اصحى ماگو ..

وره دقايق يلا صحيت
اني وين ؟
وشصار بي !!
احس نفسي فاقدة الاحساس والذاكرة ايدي على راسي
يدك بكلبي وجعه شوية شوية كمت إتذگر الصار وإنرعب
إگثر ..

ريكي يابس صحت
رحمة .. عمه وينج إنتي هنا ؟
بسرعة إجاني صوتهه
نهى .. هنا موجودة يابعد عمتج وكعتي كلبي مادكليلي شصار بيج .!!!