#حمامة الجبوري ..جسور بليدة
الحلقة الثانية عشر .. متابعة ممتعة ياحلوين .
هناك إوجاع لايستطع الإنسان الأعتاد عليها ، گالموت
والفُقدان إشبه بعملية إستنصال أعضائك وإنت على قيد الحياة
..
لاتنسون
التصويت .. بگم نگتمل
..
البصرة إبو الخصيب ..
رحمة .. نظراته رعبتني إكثر ششوف إگثر من هذا إحس عجزت
حتى عن وصف مابداخلي يمشي بالسيارة وماسمع كلامي من گتله
نزلني ماريد بطلت .!
وين صفه بينه الدهر اني واختي
بعدنه اصغار وإحس هموم ..الدنيا گبرتني وشعري إنترس شيب !
ياترى لو گان عندي عائلة متحفظة من گل الجوانب
چان صار گل هذا البينا ..
گمت انتبه على طريق والخوف أگلني إگل شديت على
شفايفي وصحت
-أذا مانزلتني اعيط بلعو صوتي وإلم الناس گلها عليك ؟
ضليت إگرر بِـ هاي الگلمة لحد ماوگف السيارة واني عبالك
إتحررت .
فتحت الباب وماعونت أصعد اختي
ودموعي تنزل ماتوقفت ولاا لحظة محتاجة حضن ام اب
افرغ گل همومي تعبت وبس اللهي يدري شكد عانيت . ادعي ربي
ينجي اختي ويخليني اني اتعذب بمگانها
ماريد غير أمن على عيشت إختي .
قابله ومامعترضة خليني اتعذب اتحمل گلشي لاخر يوم بحياتي
في سبيل سعادة اختي هيه گلشي بحياتي ماتحمل اشوفها تتعذب
وبـ هذا العمر .!
اباوع على شارع اني وين
شجاي يصير بحياتي انقذني وانقذ هاي الطفلة البريئة
گعدت على رصيف وإيدي على عيوني ابجي حسيت بضعفي
وعجزي لاول مرة !
"دقايق وحسيت ، الهورن يدگ .. فوك راسي رفعت نظراتي
چان تنزل الجام ويبن مهند انتفضت من مگاني وگمت ارجف
مثل السعفة "
حرت وين اروح وين اتجهه
ينزل من السيارة وعيوانه ابد ماتبشر بالخير إجة علية
بعدني مافاكه حلگي إخذني من زندي ويجر بيه للسيارة واختي بقت
هناك
گمت اصيح بعلو صوتي فقدت
- اختييي ياااا ظالم عفت اختي وحدها هناك وخر عني شتردون مني ؟ شتردووون ماكافي علية اهلي ماتو وخلوني اصارع الوحوش وحدي !!!
ولاعبالك احجي وياً يسوق بالسيارة براحة
گمت اباوع من الجام اختي صعدها رجال بغير سيارة واسمعهه
تبجي وتصيح رحمة همزين الشارع هذا
فارغ ومابي هواي ناس ..
بس گم سيارة وحتى لو چان أگو ناس ليش منو بهذا الوقت يفگر بغيره كلمن علي بروحه . اضرب على جامة إحس داخلي إصبح شضايا متناثرة صعب ترميمها !
إبجي واحجي اريد اتماسك نفسي وانقذ اختي ماگو
- وين ماخذين اختي جاي احجي وياك باوع عليه مانگسر گلبك عليه حتى الحجر ينگسر وانت ماجاي تحس شتردون منه انت وابوك !
فرفح گلبي گمت اصيح وأضرب على عيوني
-اريد اختي وين اخذوتها وين اخذوتها ليش ماتجاوبني .. حجيتهه واني إجر النفس بالگوة
YOU ARE READING
جسور بليدة
Spiritualبين المقبرة والموت .. هل لي رشفة منـك گي إتزن نفسي من قــاع الخطيئة ..! كانت غرابة القصة بشعة الى اكبر حد #صرخات _ رحمة #واقع _حال
