جسور بليدة

مستقبل الرواية

حبايبي كولو انا ما احبكم الكثرة طلباتكم نزلت بالفيس وبالواتباد
اقروا واستمتعو وشكراً لتفاعلكم الجميل اموت عليكم 😍❤️

..

مشهد من مستقبل الرواية ..
جسور بليدة الجزء الثاني 👇🏼👇🏼

تِبچي .. ومَحد يوصيك بعيوّنك
ولا واحِد يگلك " ليّش ؟ "
وشمبيّوگ مِن لونَك ، ماكو أبن آدم بلونَك
تصفُن مِثل مَرجوحة جّزاها العيْد
تسرح مَدري ويّن ! بعيّد .. حيِل بعيّد
وغفلة تفززّك دَمعة ، وتِكسر خاطرك دمَعة
هذا أنتَ التطيّح ومَحد يشيلَك
هذا أنتَ العزيز وگاع منديلَك ،
تِستهضُم ..
تلم روّحك مِثل وَرگات محترگه !
تضحك للمرايه وتستغرّب رسومك .

بگل خطوة أرگضها تشتت روحي وأنهار گلامهم
وموقفهم لحد هسة يرن بأذني وياگل بيه أگل ..

لحد ماحسيت نفسي تعبت حيل ..ثبتت أدية
على شجرة وصرت أخذ شهيق وزفير
چنت منهارة إلى أقصى الحدود بحيث دمعة تاخذني
ودمعة تجيبني

بالحظتهه حسيت على لمساتة وهو يحضني من ضهري
ويضم راسة خلف رگبتي .. بدون شعور صار گل
عضو بجسمي يرچف مثل السعفة داخلي بعد ماچان
نار صار أبرد منه ماگو ..

لحظات من المستحيل تنمحي من داخلي ..
لزمني من أيدي اليسرى ودارني علي لا أرادياً
أدي تعلگت على وجناتي

چان يگول
..ماعندي گلشي ومستعد أحارب الدنيا عليج .

بچيت بصوت عالي وگلت
..أنتَ تگدر تفرحني بالحظة أذا حبيت وتگدر بالحظة
تضوچني اذا ردت ليش هيج ها ليش الدنيا عگسنا تمشي
وين الغلط بية لو بيمن ياترى.؟؟

حط گصته على گصتي وگال
..أياج ترجعين عن وعدج .. وتذگري شنو آخر مرة
وعدنا نفسنا وگلتلي راح أگمل وياك للموت ليش
بالأخير تتراجعين .؟؟

ماعرفت شگله همست بهدوء
..أنتَ محد سوه مثلك دللتني وعذبتني ؟

..شتردين بالضبط ؟

..ما أرتاح إله أرجع شوفتي بعيونك حلم ، راح أسوي
العكس وارد الوجع بالوجع وماخلي الدنيا تعلمكم دروس
تعبت وأنا أحاول اتخطى سوالفگم المالهه داعي أصلاً

گلماتها چانت توصف الألم ، التعب . والخذلان

ارفعولي التصويت لأن بارت باجر من أصعب المواقف العندي