جسور بليدة

البارت السادس عشر

جسور بليدة ..حمامة الجبوري
البارت السادس عشر ..متابعة ممتعة ❤️

(اعتذر كلش هواي اليوم البارت خفيف الضل
لان والله الحظ ماكعد وصار عندي شغل وداوم ونقل
وكاعدة من ثمانية ان شاء الله اعوضكم )

لاتنسون التصويت حبايبي
..
اعله يا ذمّة توصيني؟؟
وحياتي انت ونبض يسري بشراييني
ويظل اسمك علامة ايوسّم اسنيني
ولوَنك مو دمع .. ما شالتك عيني ..
ويلوموني....أحسّك تكبر بروحي ...
ويلوموني .... ونه بلا شوفتك شينفعن اعيوني ...؟؟؟؟
يشوكي ورجوتي ودنياتي ولوني
وعذابي
ولهفتي
وشكواي
واضنوني
يخيّ عونك عليّه ... وبيك خيّ عوني 
يواهس تضحك
الدنيه عله اشفافك يبو الليل الحلو اليلعب عله اجتافك
أحس روحي تآمن بيك واتخافك
واحسّك .... مدري شنهو انت ..
لغز لا حجي ولا سكته .. ولا غيرك نبع بالشوك يرويني .. وتوصيني .. لونّك مو دمع ما شالتك عيني ..
..
رحمة ..ياريت الموت يصير بسهولة وبس
إنغمض عيونه ونتمنا الموت بسرعة يتحقق ونغادر هاي الحياة ..

لان اسوء شي هو اليعيش بهاي الحيااة
إنانيه وقاسية وضلمت هواي ارواح بريئة ..يعني
للأسف احنة عايشين بهيج دنيا مو منصفة نهائيا الوجع
إللى

بگلبي زاد على جسمي وخلاني اون وابجي طول ما اني
على سريرالمستشفى  گلشي مادري ولاا اتذكر بس إلليى
اعرفه إني بالمستشفى

وجع قوي بجسمي ذبحني ذبح ..
منين مادير جسمي يوجعني مكان وإتالم ..إعاتب منو ياربي
وإلمن اشتگي گل هذا الوجع !

ابجي وامسح بدموعي اكو جروح بأيديه
وايدي اليمينه ملفوفه بشاش إبيض گل هذا وماجاي احس
غير إن روحي صارت عبارة جثمان ..!

إنفتح الباب ودخلت عمه ونرجس بسرعة
درت وجهي للحايط وإمسح بدموعي وايدي توجعني
ماطايقة احجي وياها مادري السبب يرجع إلها لو إللي ..

نرجس .. الحمدالله على سلامتج رحمة ماتستاهلين الصار
بيج ومن سمعت الخبر والله إجيت متخبله عليج ..

نهى .. الحمدالله على سلامة يمة رحومة روحتي گلوبنا عليج
كاتمة إنفاسي وبالگوة طلعت هالكلام مني ..

رحمة .. إمي ! شگلتي انتي امي واني بنتج
لاا عمة يجوز متشابه بيني وبين نرجس اني بنت حماج
لاا إگثر ولاا اقل ومن اليوم عرفت قيمتي وماگنتي عند گل الناس اني وحيدة وراح ابقى وحيدة ..

عمه ..لاتحجين هيج الله شاهد غلآتج بغلآت نرجس
وماكو فرق بينجن نهائيا ..

رحمة .. عمه سؤال لو واحد من ولدج صار بيهم
هيج وچان السبب زوجج ياترى راح تستگين لو تنقذينه
قبل لاتنتهي حياته .. هاچ شوفي گدام عيونج وكمت اراويها
بجروحي وايدي المگسورة ابجي واحجي