جسور بليدة

البارت الخامس والثلاثون

جسور بليدة .. حمامة الجبوري
البارت الخامس والثلاثون (٣٥)
اعذروني على اخطاء البارت بدون مراجعة
لاتنسون التصويت حبايبي ارفعولي هاي البارتات ضروري👍
ولاتنسون قبل قراة البارت تترحمون الشهداء العراق 🙏🏻
..
أشعر أن الفرح يوجعني
أحياناً، مازلت أرى الحزن
كوخاً صغيراً يتسعني
وأبنية السعادة ضيقة.
..
ديمه .. ضاغطه على شفايفي وجسمي يرتجف
أحس الگون يفتر بيه وچنت بداية شهري .. أريد واحد يجي
الوجع ذبحني ماجاي أسيطر حتى على نفسي ..

أعصر بعيوني الالم ذبحني وقطرات العرك
مليت جبيني وتنزل يمنى يسرى حرت شسوي گمت أرافس
برجلية أحس طاقتي خلصت الباب مقفول محد يسمع صوت أصرخ
يرجع الصوت إليه صدى عالية خلاني أعيش حالة مو طبيعية

حطيت أديه على اذاني واصرخ
عادل تعال ابوووسك رجلك الطفل راح يموت تعال
عااادل !!! وأحجي وابجي غصة مو طبيعة أجتاحتني بلهحظة..
مادري شلون وصار يراودني گلام بابا ولمتنه قبل

وطفولتي وأحلامي وشلون راح هدر ..
بعدني على نفس وضعيتي أنفتح الباب وصار بوجهي
عادل وره الحراس گلهم جاين

چنت ابجي وأحجي بترچلي
ديمه .. الـ الطفل عااادل راااح اموووت !!
لازم أيدي ويحجي
عادل . لتخافين هسة تجي الدكتورة ..

أفر براسي محد جاي يفهمني احس الگون ضاق بيه وهو يگلي
بگل برود لاتخافين مثل السگاگين وچاي تقطع بأحشائي
گلما يزيد الوجع أضغط على أيد عادل حتى بدون ماحس أخرمشه
بأظافري وهو صامد مايضهر شي ..

على اخر لحظة أجه ينغمي عليه من الوجع يلا أجت
الدكتورة وحتى ممرضات وياها أريد أعرف عادل شنو من بشر
مادري ...

شعور غريب قبل لا ينولد هذا الطفل أجتاحني
وأني ماعرف شنو جنسة وهل ياترى ولد لو بنية ضلت السالفة
مبهمه عندي .؟

وأگفين فوك راسي ويخدرون بيه وأني بس شفايفي
تتحرك وأردد بالآيات الحافظتهه عسى ولعل تجيب نتيجة ..
أحس برجلية تختض بقوة وحتى الدگتوره أنتبهت عليه وحجت

ماما اهدي صحيح راح تگون أصعب عملية بالنسبة
العمرك والأدويه الماخذتهم بس لاتخافين راح نحاول بگل
الطرق أن تگونين بصحة وسلامة أنتي والطفل ...

أحجي وأني اصلا بالي گله مو يمها
بالي يم شلون راح أعيش طفلي ؟ مجرد ما أتخيل
راح أگون أم وبهذا العمر تصيبني رجفة مو طبيعية ياللهي احس
نفسي ضايعة بمتاهة وهم الخراب ..

بده مفعول المخدر يسيطر على جسمي بشگل گامل
أغمض بعيوني وأفتحهن بهذيان حسيت برخاوه صابت جسمي
مو طبيعية
..
بعد مرور العملية
أريد أشيل أيدي ماجاي اگدر جسمي گله يرجف ..
وأحس الساني ثگيل ماگدر احجي لو انطق ولو بنص حرف
اسمع صوت حركات فوك راسي والظاهر چان هستوه فاگني البنج ..