جسور بليدة

البارت الثامن والثلاثون

جسور بليدة .. حمامة الجبوري
..البارت الثامن والثلاثون..

البارت بدون مراجعة يعني لا ادورن سحگات
يعني اعذروني يعني متابعة ممتعة 😁

هم عآيش احسآس اليبچي بسكوت ؟
تخنگ دمعتك و يفضحك الصوت ..
گدآمك بشر بـ سنينك يعيش ،
مو حگي من آگلك مشتهي الموت !!
..

رحمة .. نسمع صوتها العالي وهيه تصرخ ولج رحمة
مات ولج رحمة مات !!
أحس رجلية بعد ماتعيني وأول ما خطر أبالي طاهر
أريد أحجي ماگو الساني ثگل وماگدر اگوم وامشي وحدي !!!

صحت ولج دنيا منو المات ؟؟؟
أجتني ترگض وأسمع صوت بجيها تحجي وتطلع الحجايه
بشهگة :- رحمة خالج مات

أحس الگلام گام مايدخل العقلي او بالاحرى
عجزت عن الأستوعاب! أحجي وجسمي گله يرجف والبيت
أنخبص..!!

رحمة .. منو على خط انطيني أني أحجي
حجيت هيج وأنطتني التلفون وهيه مستمرة تبجي ولااا سگت !!
أجاني صوت رباب تبجي وتصيح

رحمة .. الوو !
رباب .. ولج رحمة خالج مات مات !! رجلي
مات مات وهو يصيح باسم بنته ديمه

گمت أبجي ماتحملت خالو چان فقير حيل وگل قرارته
راجعه الرباب هيه چانت تحرضه على الشر
سديت التلفون من عندهه ماتحملت ابقى احجي وياها

بنفس الحظةاتصلت على طاهر أگله اريد اروح البغداد احضر
فاتحة خالو من أتصلت علي چان يدري لذالك بس حجيت گال

طاهر .. البقاء في حياتج حبيبتي
أحجي وخانگتني العبرة اتذگر گلام خالو وشلون قبل
نروحهم ويجونه
رحمة .. طاهر خالو فقير مايستاهل الموت
اصلاً بعده صغير
طاهر .. لاتحجين هيج هذا يومه لابگيفج ولابگيفي هاهيه لحد
هذا اليوم سقطت ورقته وأنتِ شدي حيلج ماريد ضعيفة بهيج موقف

رحمة .. ديمه اخ يا ديمه طاهر شصاير بيها ؟ هسة وين
دارت بيها الدنيا! تدري اتعجب هسة منو المستقبلها ؟وين راحت بهاي
الدنيا القاسية! وهسة وبهذا الوگت گلمن وگال ياروحي !!

طاهر .. تدرين يارحمة هذا الموضوع ياگل بيه سنين
تبقى ديمه عرضي ومني وبيه يجي يوم الگاها ..

رحمة .. طاهر اريد اروح لبغداد واحضر فاتحة
خالو فدوة الگلبك لاتمنعني ترى خالو رغم السواه بس هو
على نياته وفقير أحجي وأبجي والشهگة محاوطتني

طاهر .. رحمة ليش تلعبين بأعصابي تردين
تروحين لبغداد واني مو يمج هاي شلون رهميتلها الخاطر ربج؟؟

رحمة .. عليك الله لاترفض بس خلي اروح
ضلت بنفسي لاتمنعني!!
طاهر .. انت امتحان من ربي العالمين خلي
اخابر ابو دنيا اذا گدر ياخذكم شوية وارجع اتصل عليج ..
رحمة .. هاهية لعد انتظرك

حجيت هيج وانفصل الخط ضليت انتضره يدك
وصدك دقايق ورجع گال يلا حضروا نفسكم راح يجي
ابو دنيا ياخذكم وباجر ترجعون ..