جسور بليدة

البارت الواحد والاربعون

جسور بليدة .. حمامة الجبوري
..البارت الواحد والاربعون ..
..
ماگتلي من البداية الحب ضلاله!!
الشوك لعنة!!
حتى لا أفگر وأحبك !!وماگتلي عيونك الحلوات
مابيهن قرار .!!
وماگتلي اليل شٌيع گل محطات الضوه ..وصارت مگابر
حتى ماتاني القطار ..
وليش ترسمني شبابيچ إنتظار
وتخنگ خيوط الشمس ويذوب ويـ روحي الوعد ..
وليش تصلبني عله بابك!!
وأنت تدري الشمس ماتت ماگتلي الصبح مايطلع بعد !!
..
دنيا .. صدك چانت لحظات صعبة حرت شسوي التفت على نرجس
اللي تگول طاهر جاي من الخارج ويريد يحجي ويـ رحمة ليش خطها مغلق
لو ويـ الشرطة وكلامهم وجايبين الجثة والظاهر متاگدين منها ميته ...

بعد شيصير بينه وين يوگف بينا قطار العمر ليا محطه من العذاب ..
نار كدرت تحركنه وتخلينه مجرد رماد جسمي يرجف حتى ماگدر علي
بيوم وليله وهيج صار بينا ياربي حسبي الله ونعم الوكيل عليك ياحكمت

گل حروف الگون ماتگدرتوصف حالنه وضعنه مريب لدرجة
ساعة اوگف مصدومة وساعة ابجي واعيط انهار اگوم ما أسيطر على
نفسي ..

اسمع الشرطة اتريد تدخل اتفتشش البيت وخاصتاً لايگن
تلفون حگمت واگع هنا بنفس البستاين وعن طريقة جاينين ومندلين
العنوان وبعد التحقيقات ..

رجع ابوي گال ادخلن جوه بلغرفة إلاخيره راح يدخلون الحرس
يفتشون البيت وصدك اخذتني نرجس تمشي بيه حتى ماگدر احرك
رجليه من الصدمة والخوف داب بگل اجزائي ..

بلحظتهه نص گرايبنه طلعوا ونص بقوا وانحصرنه گلنه
بلغرفة الاخير ونسمع صوت الشرطة  وهواي حرس وگل ساعة ونلزم
گلوبنه خاف يصير شي وتزيد الامور ..

جسمي يرچف ماما تگضني من ايدي وتحجي يادنيا امي اگعدي
ليش واگفه شوفي حالتج راح تموتين بهذا قهرج
اتعصب وأضل احجي ماما الماتت اختي هاي اختي الماجبتهه امي

شلون ترديني اتصرف عادي ؟ ولا چن صار گل هذا الشي أنتِ تدرين
بيه هسة شلون خايفة وحتى اخاف اذا اغمض عيوني لو ابقى بمگان وحدي ا
اخاف ينعاد الموقف ويصير بوحدة من عدنه ..!!

روحي مفرفحة محد يدري ويحس بلچاي احسه هاي المواقف
مجرد تخبل يوگف شعر راسنه لعد العايشها والشايفها
شنو نگله!ساعة گامل الشرطة بلبيت ولحد ماگملوا تفتش طلعوا واخذوا
ابوي وياهم وعلى اساس يريدون يگملون الاجراءات والجثة
راح تبقى بالمستشفى يردون ياخذون بصمات الايد وابوي من شاف
جثتها رجع علينه الدمعه بطرف ويريد يحجي ماكو بلگوة متحمل ولحد
مانطق ويگول بعدها صغيرة مو مال موت اباوع عليها وجها اية من الجمال
لا إله الا الله اللهم اگفينا شر هالمواقف ..

يحجي ويمسح دموعه بطرف شماغه ماتحملت
أتذگر بگلام ابوي واضل ابجي وديمه باقيه نايمة على حطتها
وگل شوية دك هذا اسمه عثمان لو يدز رسالة وينج ديمه بالي يمج
طمنيني عليج !!خطيه مل بس يدز اخير شي اني دزيتله رسالة وگتله نايمة لا تخاف عليها بس أدعيها بالبصر والسلون ولاتنسى هاي چانت اقرب انسانه على گلبها ..