جسور بليدة

البارت الثامن عشر

جسور بليدة .. حمامة الجبوري
..البارت الثامن عشر ..

(لاتنسون التصويت)
ومتابعة ممتعة ياحلوين
..
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
..
رحمة .. نفس إحساسي ونفس صدمتي من مات إبوي
وماتت امي هيه هاي الحظات بگلشس تذكرني ..
مادري شلون عانتني رجليه وطلعت مثل المخبلة إرگض
واصيح شكو شصاررر منو الماتت ؟

تلگتني عمه تنزل من الدرج وتضرب علي وجهه بقوة
اريد الزمهه ماسيطرت لاعليهه ولاع نفسي هيه حالتهه اتعس مني ..

ابجي واحجي وياها اريدهه ترد علية أطمن گلبي مو البالي
رحمة :- عمه بس فهميني منوالمات ؟
لزمتهه من إيدهه ماتگدر تحجي والبيت نخبص حتى عمي
وهاي اول مرة اشوفه هيج حزين ..

كعدتهه على قنفه وترجف مثل السعفة همست بألم
وانگسار فضيع :- رجل نرجس مسوي حادث وميت اخ
يا إمي يانرجس سوودة عليي ششفتي من حياتج وترملتي ..

تحجي وإني مصدومة ودموعي گمت ماسيطر عليهن
صدك جان الخبر صادم للگل اللي نعرفه نرجس تحب زوجهه حيل ..

هسة ترملت واطفالها صارو يتاميه ..
ادور على عباية وجواريب عمه وابجي بهسترية بعدني مامصدكه الخبر ومصدومة ..

لبست عبايتي وبيدي ملابس عمه وطلعت إركض
وفحطانه ، إريد اتنفس ماجاي اكدر حتى الهوى ضاق بية
عمة إنتهت بهذا اليوم بحيث تكوم وتوكع ..

صدك چانت ايام سودة
نفتح عيونه بس على بجي والطم انريد نفتهم شجاي يصير
بحياتنه ماگو حسيت نفسي ضايعه بصحراء قاحلة ...
واني ادور على فرح

اخذنه مهند البيت نرجس وطول الطريق إحنة نبجي
الدنيا الفجر والاذن لسه جاي يأذن ..
من وصلنه لبيت نرجس چان الباب مفتوح طلاقتين والصريخ مالي البيت ملي گلما نتقرب وندخل للبيت تصيبني
رهبة وخوف مو طبيعي نفسهه العشتهه بسنة ٢٠٠٦

هيه هاي نفسهه الرهبة والخوف والدموع
اول مادخلنه وچان نشوف نرجس الثوب مشكوك من يم صدرها العاري والوجهه قطرة حياة مابي !
ماعرف الدم منين ينزل بس چان منضرها يفطر القلب

انريد نسكتهه ماكو
تبجي وتملخ بنفسهه وتصيح بصوت عالي
.. ماما عافني وراح مات ياماما وبعد مايرجع گليلي وين إروح ويييين !!!

كاعدين مقابليها إني وعمه ونصبر بيها والنسوان
داخله وطالعة والبيت صاير هوسة من البجي والصريخ ..
كل ثنين مسويات مجموعة ويبجن ..